ლაშა ლაბაძისა და ISET-ის ურთიერთობა 2008 წელს დაიწყო. 2018 წლის იანვრამდე ლაშა ISET-ის კვლევითი ინსტიტუტის ჯერ მკვლევარის, შემდეგ კი აღმასრულებელი დირექტორის მოვალეობას ასრულებდა. ISET-ის კვლევით ინსტიტუტში ლაშა მკვლევართა გუნდს ხელმძღვანელობდა და თავადაც ატარებდა კვლევებს, კონსულტაციებსა თუ ტრენინგებს. 2017 წელს ლაშა გახდა ISET-ის ახალშექმნილი ეკონომიკის საბაკალავრო პროგრამის თანადირექტორი. 2018 წელს ლაშა არჩეულ იქნა ISET-ის კურსდამთავრებულთა ასოციაციის პრეზიდენტად და გახდა ორგანიზაციის მმართველი საბჭოს ex-officio წევრი.

2018 წლის თებერვლიდან ლაშა ასისტენტ-პროფესორია ახლო აღმოსავლეთის ამერიკულ უნივერსიტეტში, კუვეიტში. მისი კვლევითი ინტერესებია გამოყენებითი მიკროეკონომიკა, განათლების ეკონომიკა, შრომის ეკონომიკა და სოფლის მეურნეობის ეკონომიკა. ლაშა 2013 წელს თბილისის სახელმწიფო უნივერსიტეტის ეკონომიკის დოქტორი გახდა, 2008 წელს კი ISET-ის ეკონომიკის მაგისტრის წოდება მოიპოვა.