ინდექსები
თებერვალი 2024 | მომხმარებელთა განწყობის ინდექსის კლება გრძლედება
31
მარტი
2024
მომხმარებელთა განწყობის ინდექსი კვლავ შემცირდა. 2024 წლის იანვარში მომხმარებელთა განწყობის ინდექსის (CCI) მცირე კლების შემდეგ, კლების ტენდენცია გაგრძელდა და თებერვალში -15,5-დან -17,7-მდე (2,2 პუნქტით) შემცირდა. ქვე-ინდექსები სხვადასხვა მიმართულებით შეიცვალა: მიმდინარე მდგომარეობის ინდექსი 1 პუნქტით გაიზარდა, მოლოდინების ინდექსი კი, პირიქით, 5,3 პუნქტი შემცირდა.
ინდექსი აჩვენებს, რომ საერთო კლების ტენდენცია მოლოდინების კლებამ გამოიწვია. კერძოდ, შედარებით მაღალი კლება დაფიქსიდა მოსალოდნელ ფასების დონესთან დაკავშირებით. თებერვალში გამოკითხულთა 70%-მა განაცხადა, რომ მომავალი 1 წლის განმავლობაშიც ელოდებიან ფასების ზრდას (იანვარში იმავეს გამოკითხულთა 58% ამბობდა). მომხმარებელთა განწყობის ამ ცვლილებაზე ერთ-ერთი მოქმედი ფქტორი შეიძლება იყოს რუსეთის ფედერაციის მხრიდან გავრცელებული განცხადება 1 მარტიდან 6 თვით ბენზინის ექსპორტის აკრძალვის შესახებ.
ასევე, თებერვალში გამოკითხულთა უფრო მეტი ნაწილი ფიქრობს, რომ სამომავლოდ თავს შეიკავებს მსხვილი საყოფაცხოვრებო ტექნიკის შესყიდვისგან. იმ გამოკითხულთა წილი, ვინც ფიქრობს, რომ წინა წელთან შედარებთ მომვალი წლის განმავლობაში უფრო ნაკლებს დახარჯავს ასეთ შესყიდვებზე, იანვრში არსებული 34%-იდან თებერვალში 43%-მდე გაიზარდა.
თბილისი და რეგიონები. აღსანიშნავია, რომ თბილისის მოსახლეობისთვის მომხმარებელთა განწყობის ინდექსი 2.3 პუნქტით გაიზარდა, რეგიონის მაცხოვრებლებისთვის კი, პირიქით, 5 პუნქტით დაეცა. როგორც ჩანს, დეკემბერში დაფიქსირებულ მოლოდინების ზრდას (ინდექსი მნიშვნელოვნად გაიზარდა საქართველოს რეგიონებში მოლოდინების მკვეთრი ზრდის შედეგად) მხოლოდ მოკლევადიანი ეფექტი ჰქონდა.
BAR CHARTS: Consumer Responses by Questions |
|
მსგავსი ინდექსები
ყველას ნახვა
იანვარი 2024 | მომხმარებელთა განწყობის ინდექსის ტენდენციის ცვლილება
18
თებერვალი
2024
მომხმარებელთა განწყობის ინდექსის აღმავალი ტენდენცია შეიცვალა. 2023 წლის დეკემბერში მომხმარებელთა განწყობის ინდექსის (CCI) ზრდის შემდეგ, იანვარში მცირე კლება დაფიქსირდა და მაჩვენებელი 1.4 ინდექსის პუნქტით, -14.1-დან -15.5-მდე შემცირდა. ვარდნა დაფიქსირდა ორივე ქვე-ინდექსის შემთხვევაში: მიმდინარე მდგომარეობის ინდექსი 0.9 პუნქტით დაეცა
დეკემბერი 2023 | მოხმარებელთა განწყობის ინდექსი გაიზარდა
21
იანვარი
2024
მომხმარებელთა განწყობა გაუმჯობესდა. მომხმარებელთა განწყობის ინდექსი მნიშვნელოვნად გაუმჯობესდა და ნოემბერში დაფიქსირებული -20.1 პუნქტიდან დეკემბერში -14.1 პუნქტამდე გაიზარდა (6 პუნტქი). გაიზარდა როგორც მიმდინარე მდგომარეობის, ისე მოლოდინების ქვე-ინდექსი. ზრდის ძირითადი მამოძრავებელი მოლოდინების გაუმჯობესება იყო (მიმდინარე მდგომარეობის ქვე-ინდექსი გაიზარდა 4.7 პუნქტით, მოლოდინების კი – 7.4 პუნქტით).
ნოემბერი 2023 | მომხმარებელთა განწყობა დაეცა
04
დეკემბერი
2023
ინდექსის ზრდის ტენდენცია შეიცვალა. 2023 წლის ნოემბერში მომხმარებელთა განწყობის ინდექსის (CCI) აღმასვლის ტენდენცია შეიცვალა. ინდექსი 3.7 ერთეულით შემცირდა და ოქტომბერში არსებული -16.4 პუნქტიდან ნოემბერში -20.1 პუნქტი შეადგინა. აღნიშნულ შემცირებაში წვლილი შეიტანა ორივე ქვე-ინდექსმა: მიმდინარე მდგომარეობის ინდექსი 5 პუნქტით შემცირდა, მოლოდინების ინდექსი კი – 2.4 პუნქტით.
ოქტომბერი 2023 | მომხმარებელთა განწყობა კვლავ გაუმჯობესდა
16
ნოემბერი
2023
ზრდის ტენდენცია გრძელდება. ოქტომბერში მომხმარებელთა განწყობის ინდექსი (CCI) 3.1 პუნქტით გაიზარდა და სექტემბერში დაფიქსირებული -19.5-დან -16.4 პუნქტს მიაღწია. ამჯერად ცვლილება, მეტწილად, მიმდინარე მდგომარეობის ქვეინდექსის ზრდამ განაპირობა, რომელიც 5.5 პუნქტით გაუმჯობესდა. მოლოდინების ინდექსი კი შედარებით მცირედით, 0.5 პუნქტით გაიზარდა.
სექტემბერი 2023 | მომხმარებელთა განწყობა იზრდება
30
ოქტომბერი
2023
მომხმარებელთა განწყობა იზრდება. ზაფხულის განმავლობაში მომხმარებელთა განწყობის ინდექსი (CCI) ახალი, შედარებით მაღალი დონის გარშემო მერყეობდა, რომელიც ივნისში დაფიქსირდა. 2023 წლის სექტემბრისთვის CCI 1.8 პუნქტით გაიზარდა და -19.5-ს მიაღწია, აგვისტოსთან შედარებით, როდესაც მაჩვენებელი -21.3 პუნქტს შეადგენდა.
