ანა ბურდული ISET-ის კვლევითი ინსტიტუტის კერძო სექტორის განვითარების პოლიტიკის კვლევითი ცენტრის ხელმძღვანელის მოადგილეა. ანა ტარტუს უნივერსიტეტის რაოდენობრივი ეკონომიკის მაგისტრი (2017 წ.) და თბილისის სახელმწიფო უნივერსიტეტის ეკონომიკისა და ბიზნესის ადმინისტრირების (2014 წ.) ბაკალავრია.

სანამ ISET-ის კვლევითი ინსტიტუტის გუნდის წევრი გახდებოდა, ანა პოლიტიკის და მართვის კონსალტინგ ჯგუფში (PMCG) ბიზნესის განვითარების ოფიცრის პოზიციაზე მუშაობდა და ჩართული იყო სამხრეთ კავკასიის, ცენტრალური აზიის, აღმოსავლეთ ევროპის, ახლო აღმოსავლეთისა და ჩრდილოეთ აფრიკის რეგიონებში პოლიტიკის განვითარების კვლევებსა და საჯარო ფინანსების მართვის, ბიზნესის ხელშემწყობი გარემოსა და ბიზნესის კეთების რეფორმების მიმართულებებით საერთაშორისო განვითარების პროექტებისთვის საგრანტო წინადადებების შემუშავებაში. მანამდე ანა ასისტენტი მკვლევარი იყო ლიტვის ეროვნული ბანკის ფინანსური და ეკონომიკური კვლევების ცენტრში, სადაც DSGE მოდელებზე მუშაობდა. ანა CERGE-EI-ში გამოყენებითი ეკონომიკის სამაგისტრო პროგრამაზე მენტორიც იყო. 2019 წლიდან იგი ილიას სახელმწიფო უნივერსიტეტის მოწვეული ლექტორია და საბაკალავრო პროგრამის სტუდენტებს ეკონომიკის პრინციპებს ასწავლის.