აღნიშნული კვლევითი ნაშრომი ხელმისაწვდომია მხოლოდ ინგლისურ ენაზე.

პანდემიის შემდეგ საქართველოს ეკონომიკამ სწრაფად დაიწყო აღდგენა: რეალურმა მშპ-მა გადააჭარბა პანდემიამდელ ტენდენციებს, შრომის ბაზრის მაჩვენებლები კი შესამჩნევად გაუმჯობესდა. ამ ანგარიშით ვეცდებით შევაფასოთ, რეალურად ასახავს ეს აღდგენა ნამდვილ სტრუქტურულ ტრანსფორმაციას თუ ნიღბავს შრომის ბაზრის პოლარიზაციის სიღრმისეულ გამოწვევებს.

ბოლო ათწლეულის განმავლობაში საქართველოს მთლიანი ექსპორტი შესამჩნევად გაიზარდა. თუ მისი ღირებულება 2014 წელს დაახლოებით 2.86 მლრდ აშშ დოლარი იყო, 2024 წელს 6.55 მლრდ აშშ დოლარზე მეტი შეადგინა. ეს ცვლილება, რაც ასახავს ექსპორტის ღირებულების ორზე მეტჯერ ზრდას, ქვეყნის საექსპორტო სექტორის მნიშვნელოვნად გაფართოებაზე მიუთითებს.

მუნიციპალიტეტების ეკონომიკური განვითარება საქართველოში მდგრადი განვითარების ერთ-ერთი მთავარი გამოწვევაა. თბილისში ცხოვრობს ქვეყნის მოსახლეობის თითქმის 1/3, იქმნება მშპ-ის 50% და ქალაქი ზრდას განაგრძობს. ეს კი იმის ფონზე, რომ მუნიციპალიტეტებში, გამონაკლისის გარდა, მოსახლეობის რაოდენობა მცირდება, სიღარიბის და უმუშევრობის დონე მაღალია და ეკონომიკა ნელა ვითარდება. საქართველოს მოსახლეობის 48% სიღარიბის საერთაშორისო ზღვარს მიღმა ცხოვრობს, რაც იმას ნიშნავს, რომ დღეში 6.85 აშშ დოლარს ან ნაკლებს მოიხმარს (2017 წლის მსყიდველობითი უნარის პარიტეტის გათვალისწინებით).