გურამ ლობჟანიძე ISET-ის კვლევითი ინსტიტუტის გუნდს 2020 წელს შეუერთდა უმცროსი მკვლევარის სტატუსით და ამჟამად ენერგეტიკისა და გარემოს დაცვის პოლიტიკის კვლევით ცენტრში მკვლევარის პოზიციაზე მუშაობს. გურამი თავისუფალი უნივერსიტეტის საერთაშორისო ურთიერთობების ბაკალავრია (ჩინეთისმცოდნეობის მიმართულებით) და 2016-2017 წწ-ში ჩინურ ენას ჩინეთში, ხიამენის ტექნოლოგიების უნივერსიტეტში სწავლობდა. 2020 წელს იგი  თსუ ეკონომიკის საერთაშორისო სკოლის (ISET) ეკონომიკის მაგისტრი გახდა და 2020 წლის გამოშვების ვალედიქტორიანი იყო. მისი სამაგისტრო პროექტი უნივერსიტეტებისა და სტუდენტების ოპტიმალურ დაკავშირებას ეხებოდა. ISET-ის კვლევით ინსტიტუტში მოსვლამდე გურამი ISET-ის სამაგისტრო პროგრამაზე ლექტორის თანაშემწე იყო და მიკროეკონომიკის I, II, III და IV მოდულებსა და ეკონომეტრიკას ასწავლიდა.