28
თებერვალი
2023
28 თებერვალს ISET-მა მსოფლიო ბანკის ევროპისა და ცენტრალუზი აზიის მთავარ ეკონომისტს, ბატონ ივაილო იზვორსკის, უმასპინძლა, რომელმაც სემინარი ჩაატარა თემაზე „განათლება და ინოვაციები ეკონომიკური ზრდისთვის“. სემინარს ესწრებოდნენ ISET-ის აკადემიური პერსონალი, სტუდენტები და მკვლევარები. ბატონმა იზვორსკიმ ისაუბრა, რამდენად მნიშვნელოვანია განათლება და ინოვაციები ეკონომიკური ზრდისა და განვითარბის ხელშეწყობაში და რა შესაძლებლობებისა და გამოწვევების წინაშე დგას თანამედროვე განათლების სისტემები.
22
დეკემბერი
2022
22 დეკემბერს ISET-ის კვლევითმა ინსტიტუტმა ონლაინ ღონისძიებას უმასინძლა, რომლის თემაც იყო „სად დგას საქართველო რეგულირების ზეგავლენის შეფასებების მხრივ და რა იქნება შემდეგი?“. პრეზენტაცია ISET-ის კვლევითი ინსტიტუტის წამყვანმა ეკონომისტმა და ბოლონიის უნივერსიტეტის დოქტორმა, ნორბერტო პინიატიმ წაიყვანა და დამსწრე საზოგადოებას რეგულირების ზეგავლენის შეფასების (RIA), როგორც პოლიტიკის შემუშავების ეფექტური ინსტრუმენტის, შესახებ მნიშვნელოვანი დასკვნები გააცნო.
21
დეკემბერი
2022
21 დეკემბერს ISET-ის კვლევითმა ინსტიტუტმა უმასპინძლა ღონისძებას „რა გავლენა აქვს რუსეთ-უკრაინის ომს საქართველოს ეკონომიკაზე?“. სემინარი ISET-ის კვლევითი ინსტიტუტის წამყვანმა ეკონომისტმა, იაროსლავა ბაბიჩმა, წაიყვანა და დამსწრე საზოგადოებას გააცნო ის მოსალოდნელი შედეგები, რაც შეიძლება უკრაინაში რუსეთის შეჭრასა და ომს ჰქონდეს საქართველოს ეკონომიკაზე.
16
დეკემბერი
2022
16 დეკემბერს ISET-ის კვლევითმა ინსტიტუმა უმასპინძლა ღონისძიებას, რომელზეც საერთაშორისო სავალუტო ფონდის (IMF) მუდმივმა წარმომადგენელმა საქართველოში, ბატონმა სელიმ ჩაქირმა, IMF-ის კავკასიისა და ცენტრალური აზიის რეგიონის ეკონომიკური მიმოხილვა წარადგინა.
15
დეკემბერი
2022
ISET-ის კვლევითმა ინსტიტუტმა თურქეთის საგზაო უსაფრთხოების ინსტიტუტის წარმომადგენლებს უმასპინძლა. დელეგაციას საგზაუ უსაფრთხოების ინსტიტუტის დირექტორი, შენოლ იაფრაქი ხელმძღვანელობდა. ვიზიტის მიზანი იყო საგზაო უსაფრთხოების მონაცემების შეგროვების, ანალიზისა და ანგარიშგების პრაქტიკისა და სამომავლო გეგმების განხილვა.
