პროექტის მიზანი იყო 2012 წლის საპარლამენტო არჩევნებისთვის ქართული პოლიტიკური პარტიების მიერ მომზადებული სოციალური და ეკონომიკური პროგრამების შეფასება რეფორმების ძირითად სფეროებში. პროექტი, რომელშიც მონაწილეობას იღებდა ქართული კვლევითი ცენტრებისა და არასამთავრობო ორგანიზაციების კოალიცია, მიზნად ისახავდა პოლიტიკური პარტიების პროგრამების მიმოხილვას რეფორმების ძირითად სფეროებში, როგორიცაა დასაქმება, სოფლის განვითარება და განათლება.

საქართველოს ეროვნული კონკურენტუნარიანობის კვლევის ანგარიში მიზნად ისახავს, კონკურენტუნარიანობის საკითხების ღრმა და ყოვლისმომცველი კვლევის საფუძველზე შეავსოს მსოფლიო ეკონომიკური ფორუმის მსოფლიო კონკურენტუნარიანობის ანგარიში. კერძოდ, ის შეისწავლის საქართველოს პოტენციალს, გამოიყენოს მისი გეოგრაფიული მდებარეობა და ბიზნეს-გარემო, რათა მოირგოს კავკასიის რეგიონის ეკონომიკური ჰაბის როლი.

ISET-ის კვლევითმა ინსტიტუტმა ითამაშა შედარებით მცირე როლი ამ პროექტში. ჩვენი გუნდი ეხმარებოდა ეკორისისა (ნიდერლანდების სამეფო) და CASE-ს (პოლონეთი) კონსორციუმებს. კვლევას აფინანსებდა ევროპის კომისია (DG Trade). კვლევის ქართული კომპონენტის მიზანი იყო, ევროკავშირის ფიტო და ვეტერინარულ კონტროლთან შესაბამისობაში მოყვანის ხარჯების დადგენა, რაც განაპირობებს ხორცისა და ხორც-პროდუქტების ფასებისა და ევროკავშირში ქართული ხორცის ექსპორტის ზრდას.

საქართველოს ახალგაზრდა ენერგეტიკოსთა ასოციაციასთან (AYPEG) ერთობლივი პროექტის ფარგლებში, ISET-ის კვლევითმა ინსტიტუტმა საქართველოს ენერგეტიკის სექტორში კვლევებისა და ტრენინგების საჭიროება შეაფასა. კვლევა მოიცავდა ინტერვიუებს ქართული ენერგეტიკის სექტორში ჩართული კერძო თუ საჯარო კომპანიებისა და ენერგიის მომხმარებელი მსხვილი კომპანიების (ჯამში 45 კომპანიის) წარმომადგენლებთან.

აღნიშნულმა ქვეყნის დონეზე ჩატარებულმა კვლევამ, რომელიც უფრო დიდი საერთაშორისო კვლევის ნაწილია, შეაფასა, რა გავლენა ექნება გაზრდილ მიგრაციას, რადგან ევროკავშირმა აღმოსავლეთ პარტნიორობის ქვეყნებთან მიმართებაში შეიძლება ცვლილებები შეიტანოს მიგრაიის პოლიტიკაში.

კვლევის მიზანი საქართველოში არაფორმალური დასაქმების პარადოქსის ახსნაა. პროექტი შრომის ბაზრის კვლევით ინსტიტუტთან (IZA) პარტნიორობით ხორციელდება და საქართველოში ფორმალურ და არაფორმალურ შრომის ბაზრებს შორის კავშირების კვლევას ისახავს მიზნად.