აღნიშნული პროექტის უმთავრესი მიზანი იყო საქართველოს მთავრობის პოლიტიკისა და დონორების მიერ დაფინანსებული პროგრამების რეგულარული განხილვისთვის ბუნებრივი პლატფორმის შექმნა, რათა წავახალისოთ ინკლუზიური ზრდა. ჯამში, პროექტის ფარგლებში, ISET-ის კვლევთიმა ინსტიტუტმა უკვე უმასპინძლა შვიდ დებატსა და სამი პროექტის პრეზენტაციას.

აშკარაა, რომ საქართველოში არსებობს პოლიტიკური კომპრომისი, რომლის თანახმადაც საქართველოში გვაქვს, ერთი მხრივ, მცირე ადგილობრივი თვითმმართველობები, რომლებიც ახლოს არიან ამომრჩევლებსა და სერვისის მომხმარებლებთან, მეორე მხრივ, კი შედარებით მაღალი ხარჯები, რასაც დიდი რაოდენობით ადგილობრივი თვითმმართველობები იწვევს.

რეგიონებს შორის არაერთი სხვაობა არსებობს, თუმცა ყველაზე სისტემური რეგიონული უთანასწორობები შეიძლება რეგიონებს შორის ურბანიზაციის მაჩვენებლებს შორის არსებული სხვაობებით აიხსნას. კერძოდ, შედარებით მეტად ურბანიზებულ რეგიონებს, როგორც წესი, ერთ სულ მოსახლეზე უფრო მაღალი მთლიანი დამატებული ღირებულება, ბევრად მრავალფეროვანი და განვითარებული ეკონომიკური სტრუქტურა და ბევრად განვითარებული ინფრასტრუქტურა აქვთ.

გამოთვლადი ზოგადი წონასწორობის მოდელი (CGE) არის ანალიტიკური ინსტრუმენტი, რომელსაც ქვეყნები და საერთაშორისო საფინანსო ინსტიტუტები პოლიტიკის ინტერვენციების სიმულირებისთვის იყენებენ. CGE-ის გამოყენება არ შემოიფარგლება პოლიტიკის ერთი კონკრეტული სფეროთი.

პროექტი მიზნად ისახავს საერთაშორისო სავალუტო ფონდის რეკომენდაციების საფუძველზე ფინანსური სიჯანსაღის ინდიკატორების კრებულის შედგენას და მათ გამოყენებას საქართველოს ბიზნეს-გარემოსა და ფინანსური სექტორის სტაბილურობის გასაანალიზებლად.

აღნიშნული კვლევის მიზანია საქართველოში ადრეული სწავლების დაფინანსების არსებული მექანიზმის დეტალური ანალიზი, ალტერნატიული მოდელების ხარჯების დათვლა და ქართული კონტექსტისთვის შესაბამისი მდგრადი ფინანსური და სამართლებრივი სცენარების შემუშავება და შეთავაზება.