ISET-ის კვლევითი ინსტიტუტი, PMC Research-თან პარტნიორობის ფარგლებში, მუშაობს პროექტზე „სექტორების და ღირებულებათა ჯაჭვების ანალიტიკა“. პროექტი ხორციელდება USAID-ის ეკონომიკური მმართველობის პროგრამის ფინანსური მხარდაჭერით, რომელსაც DAI ახორციელებს.

თვისებრივი და რაოდენობრივი ანალიტიკური მეთოდების გამოყენებით პროექტის გუნდი აანალიზებს ეკონომიკურ ტენდენციებს ადგილობრივ და რეგიონულ/გლობალურ  კონტექსტში, ადგილობრივი ბიზნესების კონკურენტუნარიანობას, შესაძლებლობებსა და გამოწვევებს სამიზნე ღირებულებათა ჯაჭვებში. ესენია:

• ტურიზმი (განთავსება, სარესტორნო მომსახურება, სათავგადასავლო ტურიზმი, გასტრონომიული ტურიზმი და კულტურული ტურიზმი);
• შემოქმედებითი ინდუსტრიები (მედია კონტენტის წარმოება, პოსტ წარმოება და არტიზანი).
• მსუბუქი მრეწველობა (ავეჯი, შესაფუთი მასალები, სამშენებლო მასალები, პერსონალური და დამცავი აღჭურვილობა და ხის სათამაშოები)
• მყარი ნარჩენების მართვა და გადამუშავება
• გაზიარებული ინტელექტუალური მომსახურება (ფინანსები და ბუღალტერია, არქიტექტურა, დიზაინი და ინჟინერია, მომხმარებელთან ურთიერთობის მენეჯმენტი და ადამიანური რესურსების მართვა)
• გამჭოლი სექტორები (ტრანსპორტი და ლოჯისტიკა, საინფორმაციო და საკომუნიკაციო ტექნოლოგიები, ელექტრონული ვაჭრობა)