პროექტის „ინკლუზიური წვდომა ბაზრებზე“ (IA2M) მიზანია ქართული მცირე და საშუალო საწარმოების კონკურენტუნარიანობის გაზრდა ევროკავშირისა და ევროპის ბაზრებზე. ამ ინიციატივის ფარგლებში, UNDP-ის დაკვეთით, ISET-ის კვლევითმა ინსტიტუტმა ჩაატარა კვლევა მაღალი ზრდისა და საექსპორტო პოტენციალის მქონე სექტორების გამოსავლენად. კვლევის მიზანია არსებული კვლევის მასალებისა და მონაცემების ანალიზი მინიმუმ ექვსი პერსპექტიული სექტორის ან ქვესექტორის გამოსავლენად.

ჩატარებული ანალიზი პრიორიტეტული სექტორების დადგენისას აქცენტს აკეთებს ეკონომიკურ, სოციალურ, გარემოსდაცვით და ინსტიტუციონალურ ფაქტორებზე. დასკვნები გვაძლევს წარმოდგენებს და სტრატეგიულ რეკომენდაციებს, როგორ უნდა მოხდეს ქართული მცირე და საშუალო საწარმოების პოტენციალის მაქსიმიზაცია, ექსპორტის დივერსიფიკაციის ხელშეწყობა და ბაზარზე პოზიციის გაფართოება.