PMCG-მ და ISET-ის კვლევითმა ინსტიტუტმა ერთობლივი კვლევითი პროექტის "ქვესექტორის/ღირებულებათა ჯაჭვის ანალიზი ქართული მცირე და საშუალო საწარმოების საექსპორტო ზრდისთვის" ვალიდაციის სამუშაო შეხვედრა გამართეს. ღონისძიება 2024 წლის 14 ნოემბერს თბილისში, სასტუმრო Courtyard by Marriott-ში გაიმართა.

სამუშაო შეხვედრაზე კერძო სექტორის წარმომადგენლები დახურული სამუშაო ჯგუფის ფორმატში შეიკრიბნენ. ISET-ის კვლევითი ინსტიტუტის წამყვანმა ეკონომისტმა გიორგი პაპავამ და PMCG-ის მკვლევარმა ნიკა კაპანაძემ თავიანთ კვლევით გუნდებთან ერთად წარმოადგინეს კვლევის ძირითადი მიგნებები, რასაც მოჰყვა განხილვა და უკუკავშირის სესია.

კვლევითი პროექტი ხორციელდება პროგრამის "ინკლუზიური წვდომა ბაზრებზე" (IA2M) ფარგლებში, რომელსაც აფინანსებს ევროკავშირი და გაეროს განვითარების პროგრამა (UNDP) ესტონეთის საერთაშორისო განვითარების ცენტრის მხარდაჭერით. ინიციატივა ხორციელდება საქართველოს ეკონომიკისა და მდგრადი განვითარების სამინისტროსთან და "აწარმოე საქართველოსთან" თანამშრომლობით.

სამუშაო შეხვედრის გახსნაში ISET-ის წარმომადგენელ გიორგი პაპავასთან ერთად მონაწილეობა მიიღო UNDP-ის პროექტის მენეჯერმა გიორგი ციმინტიამ. ISET-ის კვლევითი ინსტიტუტის წამყვანმა ეკონომისტმა გიორგი პაპავამ და PMCG-ის წარმომადგენლებმა ნიკა კაპანაძემ და მიხეილ სხიერელმა წარმოადგინეს თავიანთი მიგნებები.

სამუშაო შეხვედრის მიზანი იყო დაინტერესებული მხარეებისგან უკუკავშირის მიღება კვლევის მიგნებებზე ფართო აუდიტორიისთვის საბოლოო ანგარიშის წარდგენამდე, რათა უზრუნველყოფილი იყოს კვლევის ეფექტური მიმართულება ქართული მცირე და საშუალო საწარმოების საექსპორტო შესაძლებლობების გაფართოების საჭიროებებსა და გამოწვევებზე.

ეს ვალიდაციის სამუშაო შეხვედრა წარმოადგენს მნიშვნელოვან ნაბიჯს მტკიცებულებებზე დაფუძნებული რეკომენდაციების შემუშავებაში ქართული მცირე და საშუალო საწარმოების საექსპორტო პოტენციალის გაძლიერებისა და გლობალურ ღირებულებათა ჯაჭვებში მათი ინტეგრაციისთვის.