2023 და 2024 წლებში მოსალოდნელია გლობალური ეკონომიკური ზრდის მაჩვენებლის 3,0%-მდე შემცირება 2022 წელს არსებული 3,5%-დან. საერთაშორისო სავალუტო ფონდის (სსფ) 2023 წლის აპრილის პროგნოზებთან შედარებით, 2023 წელს მოსალოდნელია ზრდის მაჩვენებლის 0,2 პროცენტული პუნქტით ზრდა, 2024 წლის პროგნოზი კი უცვლელია. აღსანიშნავია ისიც, რომ 2023-2024 წლების პროგნოზი მნიშვნელოვნად ჩამოუვარდება 2000-2019 წლებში დაფიქსირებულ ისტორიულ საშუალო წლიურ მაჩვენებელს (3,8%). გარდა ამისა, იგი მნიშვნელოვნად ჩამორჩება სხვადასხვა შემოსავლის მქონე ჯგუფებში დაფიქსირებულ ისტორიულ საშუალო მაჩვენებლებს, როგორც მთლიანი შიდა პროდუქტის, ისე ერთ სულ მოსახლეზე მშპ-ის ჭრილში. მომსახურების სფეროში არსებული უფრო მაღალი მაჩვენებლების მიუხედავად, 2022-2023 წლებში ზრდის მაჩვენებლის კლება ძირითადად განპირობებულია მოწინავე ეკონომიკის მქონე ქვეყნებში წარმოების შემცირებით და სხვა სპეციფიკური ფაქტორებით. ამის საპირისპიროდ, 2023-2024 წლებში განვითარებადი ბაზრის და ეკონომიკის მქონე ქვეყნებში მოსალოდნელია სტაბილური ეკონომიკური ზრდა, თუმცა მოსალოდნელია შესამჩნევი განსხვავებები კონკრეტულ რეგიონებში დაფიქსირებულ მაჩვენებლებს შორის. წლიურ ჭრილში, 2022 წლის მეოთხე კვარტალში, გლობალური ზრდის მაჩვენებელმა რეკორდულად დაბალ ნიშნულს მიაღწია. მიუხედავად ამისა, სავარაუდოა, რომ ზოგიერთ განვითარებულ ეკონომიკაში კლების მაჩვენებელი უმაღლეს ნიშნულს მხოლოდ 2023 წლის მეორე ნახევარში მიაღწევს (საერთაშორისო სავალუტო ფონდი, 2023).
საქართველოს მეზობელ ქვეყნებში 2023 წელს ნელი, მაგრამ ზომიერი ზრდის მაჩვენებლებია მოსალოდნელი: სომხეთში – წლიური +5,5%, აზერბაიჯანში – წლიური +3%, თურქეთში – წლიური +3,0%. მეორე მხრივ, მოსალოდნელია რუსეთის ეკონომიკის 1,5%-ით ზრდა (აღნიშნული მაჩვენებელი დაკორექტირდა მანამდე არსებული 0.7%-დან). მოსალოდნელია განვითარებადი ბაზრების და ეკონომიკის (EMDE) ქვეყნებში გამოშვების მაჩვენებლის ზრდაც: 2023 წელს – 4,0 %-ით, ხოლო 2024 წელს – 4,1 %-ით.
02
ოქტომბერი
2024
საქსტატის წინასწარი შეფასების თანახმად, 2024 წლის მეორე კვარტალში საქართველოს ნომინალური მშპ 22,101.7 მლნ ლარს შეადგენდა, მშპ-ის ზრდის წლიური მაჩვენებელი 9.6%, ხოლო მშპ-ის დეფლატორი – 2.5% იყო. ეს ზრდა სხვადასხვა სექტორში დამატებული ღირებულების მნიშვნელოვანი ზრდით იყო განპირობებული: მასპინძლობასთან და კვებით სექტორთან დაკავშირებული საქმიანობა გაიზარდა 35.7%-ით, განათლება – 21.3%-ით, შინასამეურნეო საქმიანობა, როგორიცაა დამსაქმებლებისა და მწარმოებლების მიერ პირადი მოხმარებისათვის საქონლის წამოება და მომსახურებების გაწევა – 17.3%-ით, ტრანსპორტირება და სასაწყობო საქმიანობა – 16.1%-ით, საჯარო ადმინისტრირება და თავდაცვა, მათ შორის სოციალური უსაფრთხოება – 13.3%-ით, მშენებლობა – 13%-ით.
28
ივნისი
2024
საქსტატის წინასწარი შეფასების თანახმად, 2024 წლის პირველ კვარტალში საქართველოს ნომინალური მშპ 18,913.2 მილიონ ლარს შეადგენდა, რეალური მშპ-ის ზრდის წლიური მაჩვენებელი 8.4%, ხოლო მშპ-ის დეფლატორის ცვლილება 3.1% იყო.
01
აპრილი
2024
2022 წლის მსგავსად, COVID-19-ის პანდემიის შემდეგ, საქართველოს ეკონომიკა 2023 წელსაც აღდგენის პროცესში იყო. საქსტატის წინასწარი შეფასების თანახმად, რეალური მშპ-ის მაჩვენებელი კვლავ შედარებით სწრაფი ტემპით იზრდება და მან 2023 წელს 7,5% შეადგინა, რაც მნიშვნელოვნად აღემატება საქართველოს ეროვნული ბანკის მიერ 2023 წლის ოქტომბერში პროგნოზირებულ 6%-ს.
29
დეკემბერი
2023
კოვიდ-19-ის პანდემიისა და რუსეთის უკრაინაში შეჭრის შედეგად არსებული მძიმე სიტუაცია ნელი, არათანაბარი ტემპით უმჯობესდება. მიუხედავად იმისა, რომ წლის დასაწყისში შეინიშნებოდა ეკონომიკური სტაბილურობა, რაც ეკონომიკის აღდგენით და ინფლაციის შესამცირებლად გაღებული ძალისხმევით გამოიხატა, სიხარული ჯერ მაინც ნაადრევია – ეკონომიკური აქტივობა ჯერ კიდევ არ დაბრუნებია პანდემიამდე არსებულ მაჩვენებელს, განსაკუთრებით, განვითარებადი ბაზრისა და ეკონომიკის მქონე ქვეყნებში, განსხვავება რეგიონებში დაფიქსირებულ მაჩვენებლებს შორის კი იზრდება.
03
ივლისი
2023
გლობალური ეკონომიკის მდგომარეობა კვლავ არასტაბილურია. ეს განპირობებულია პანდემიით გამოწვეული ნეგატიური მოვლენებით, რუსეთის მიერ უკრაინაში შეჭრით, ინფლაციის მაღალი მაჩვენებლით და გამკაცრებული მონეტარული პოლიტიკით. მიუხედავად იმისა, რომ წლის დასაწყისში გლობალური ეკონომიკური მაჩვენებლები დამაკმაყოფილებელი იყო, ვითარების გაუარესება არის მოსალოდნელი.
