ინდექსები
I კვარტალი, 2022 | მაკრო მიმოხილვა: წინ რთული გზაა: საქართველოს ეკონომიკა რუსეთის მიერ უკრაინის წინააღმდეგ ომის დაწყებისას
01
ივლისი
2022
რუსეთის მიერ უკრაინაში შეჭრამ დიდი გავლენა იქონია გლობალური ეკონომიკის თითქმის თითოეულ ასპექტზე, დაწყებული სურსათისა და ენერგო უსაფრთხოების სექტორებით, დამთავრებული მიწოდების ჯაჭვებითა და ფინანსური ბაზრებით. მსოფლიო ბანკის 2022 წლის ივნისის პროგნოზის თანახმად, 2021 წლის 5.5%-იანი გლობალური ზრდის მაჩვენებელი 2022 წელს წლიურ 2.9%-მდე დაიწევს. ეს დაღმასვლა, აგრეთვე, განპირობებულია პანდემიის გამო შემცირებული მოთხოვნით, მაღალი ინფლაციითა და განვითარებული ინდუსტრიული ეკონომიკის მქონე ქვეყნებში სტრატეგიული მხარდაჭერის არარსებობით. საერთაშორისო სავალუტო ფონდის ვარაუდით, შეერთებული შტატები 3.7%-ით, ევროზონა კი 2.8%-ით გაიზრდება. 2021 წლის 8.1%-იანი ზრდის მაჩვენებელი ჩინეთში 2022 წელს, სავარაუდოდ, 4.4%-მდე შემცირდება. გარდა ამისა, მსოფლიო ბანკის ვარაუდით, საქართველოს მეზობელ ქვეყნებში ზომიერი ზრდის მაჩვენებელი დაფიქსირდება: სომხეთში – წლიური +3.5%, აზერბაიჯანში – წლიური +2.7%, თურქეთში – წლიური +2.3%. მეორე მხრივ, მოსალოდნელია რუსეთის ეკონომიკის წლიური 8.9%-ით შემცირება.
გარდა ამისა, მიწოდების ჯაჭვების ხარვეზებმა, ენერგიის გაზრდილმა ფასებმა და გაუარესებულმა ფინანსურმა მდგომარეობამ განვითარებული ეკონომიკის ქვეყნების პროგნოზირებული ზრდის მაჩვენებლების შემცირება გამოიწვია. მოსალოდნელია ამ ეკონომიკების 2.6%-იანი ზრდა, რაც 1.2 პროცენტული პუნქტით ნაკლებია მანამდე არსებულ პროგნოზებზე. შემცირდა განვითარებადი ბაზრების ეკონომიკის (EMDE) ქვეყნების მოსალოდნელი ეკონომიკური ზრდის მაჩვენებელიც, რომელმაც წლიური 3.4% შეადგინა, 2021 წლის 6.6%-იან ზრდის მაჩვენებელთან შედარებით.
მსგავსი ინდექსები
ყველას ნახვა
II კვარტალი, 2024 მაკრო მიმოხილვა | სექტორული ცვლილებებისა და ვალუტის სტაბილურობის ფონზე მშპ-ის ძლიერი ზრდა
02
ოქტომბერი
2024
საქსტატის წინასწარი შეფასების თანახმად, 2024 წლის მეორე კვარტალში საქართველოს ნომინალური მშპ 22,101.7 მლნ ლარს შეადგენდა, მშპ-ის ზრდის წლიური მაჩვენებელი 9.6%, ხოლო მშპ-ის დეფლატორი – 2.5% იყო. ეს ზრდა სხვადასხვა სექტორში დამატებული ღირებულების მნიშვნელოვანი ზრდით იყო განპირობებული: მასპინძლობასთან და კვებით სექტორთან დაკავშირებული საქმიანობა გაიზარდა 35.7%-ით, განათლება – 21.3%-ით, შინასამეურნეო საქმიანობა, როგორიცაა დამსაქმებლებისა და მწარმოებლების მიერ პირადი მოხმარებისათვის საქონლის წამოება და მომსახურებების გაწევა – 17.3%-ით, ტრანსპორტირება და სასაწყობო საქმიანობა – 16.1%-ით, საჯარო ადმინისტრირება და თავდაცვა, მათ შორის სოციალური უსაფრთხოება – 13.3%-ით, მშენებლობა – 13%-ით.
I კვარტალი, 2024 | მაკრო მიმოხილვა: საქართველოს სტაბილური ზრდა გლობალური ეკონომიკის აღდგენის გამოწვევების ფონზე
28
ივნისი
2024
საქსტატის წინასწარი შეფასების თანახმად, 2024 წლის პირველ კვარტალში საქართველოს ნომინალური მშპ 18,913.2 მილიონ ლარს შეადგენდა, რეალური მშპ-ის ზრდის წლიური მაჩვენებელი 8.4%, ხოლო მშპ-ის დეფლატორის ცვლილება 3.1% იყო.
IV კვარტალი, 2023 | მაკრო მიმოხილვა: მსოფლიო ეკონომიკის შენელების ფონზე, მშპ-ის ზრდის პროგნოზმა პროგნოზირებულ ნიშნულს გადააჭარბა
01
აპრილი
2024
2022 წლის მსგავსად, COVID-19-ის პანდემიის შემდეგ, საქართველოს ეკონომიკა 2023 წელსაც აღდგენის პროცესში იყო. საქსტატის წინასწარი შეფასების თანახმად, რეალური მშპ-ის მაჩვენებელი კვლავ შედარებით სწრაფი ტემპით იზრდება და მან 2023 წელს 7,5% შეადგინა, რაც მნიშვნელოვნად აღემატება საქართველოს ეროვნული ბანკის მიერ 2023 წლის ოქტომბერში პროგნოზირებულ 6%-ს.
III კვარტალი 2023 | მაკრო მიმოხილვა: ზრდისკენ სწრაფვა გლობალური გაურკვევლობისა და რეგიონალური დინამიკის პირობებში
29
დეკემბერი
2023
კოვიდ-19-ის პანდემიისა და რუსეთის უკრაინაში შეჭრის შედეგად არსებული მძიმე სიტუაცია ნელი, არათანაბარი ტემპით უმჯობესდება. მიუხედავად იმისა, რომ წლის დასაწყისში შეინიშნებოდა ეკონომიკური სტაბილურობა, რაც ეკონომიკის აღდგენით და ინფლაციის შესამცირებლად გაღებული ძალისხმევით გამოიხატა, სიხარული ჯერ მაინც ნაადრევია – ეკონომიკური აქტივობა ჯერ კიდევ არ დაბრუნებია პანდემიამდე არსებულ მაჩვენებელს, განსაკუთრებით, განვითარებადი ბაზრისა და ეკონომიკის მქონე ქვეყნებში, განსხვავება რეგიონებში დაფიქსირებულ მაჩვენებლებს შორის კი იზრდება.
II კვარტალი 2023 | მაკრო მიმოხილვა: მშპ-ის ზრდის ნელი ტემპის, ინფლაციის მაჩვენებლების სტაბილიზაციის და სავალუტო ნაკადების დინამიკის ანალიზი
23
ოქტომბერი
2023
2023 და 2024 წლებში მოსალოდნელია გლობალური ეკონომიკური ზრდის მაჩვენებლის 3,0%-მდე შემცირება 2022 წელს არსებული 3,5%-დან. საერთაშორისო სავალუტო ფონდის (სსფ) 2023 წლის აპრილის პროგნოზებთან შედარებით, 2023 წელს მოსალოდნელია ზრდის მაჩვენებლის 0,2 პროცენტული პუნქტით ზრდა, 2024 წლის პროგნოზი კი უცვლელია.
