2022 წლის მე-3 კვარტალმა არაერთი გლობალური ცვლილებით დაგვამახსოვრა თავი. მიმდინარე გეოპოლიტიკური, ეკონომიკური და ეკოლოგიური არეულობის გამო, ინფლაციამ ათწლეულების განმავლობაში არსებულ უმაღლეს ნიშნულს მიაღწია, მსოფლიო ეკონომიკა კი კვლავ არასტაბილურია. რუსეთის მიერ უკრაინაში შეჭრამ, შეერთებული შტატების ეკონომიკის არასტაბილურმა აღდგენამ (რაც ხასიათდებოდა გაზრდილი ინფლაციით, რთული ფინანსური პირობებით და 2022 წელს მოსალოდნელი მთლიანი შიდა პროდუქტის ზრდის ტემპის შემცირებით), ევროზონაში წარმოშობილმა ეკონომიკურმა საფრთხეებმა (ენერგოუსაფრთხოება, გაზრდილი ცხოვრების ხარჯები და ზრდის მაჩვენებლის შემცირება) და ჩინეთში COVID-19-ის აფეთქებამ საერთაშორისო სავალუტო ფონდის მიერ (IMF) დადგენილი მოსალოდნელი გლობალური ეკონომიკური ზრდის მაჩვენებლის შემცირება განაპირობა. IMF 2022 წელს 3.2%-იან, 2023 წელს კი 2.7%-იან ზრდას პროგნოზირებს. გასულ წელს ეკონომიკური ზრდის მაჩვენებელი 6% იყო (IMF, ოქტომბერი 2022). ეს 2001 წლის შემდეგ ყველაზე დაბალი ზრდის მაჩვენებელია (2008 წლის გლობალური ფინანსური კრიზისის და COVID-19-ის პანდემიის კრიტიკული ფაზის შემდეგ).
გლობალური გამოწვევების მიუხედავად, აღნიშნულს ჯერჯერობით მნიშვნელოვანი გავლენა არ მოუხდენია საქართველოზე, სამხრეთ კავკასიასა და ცენტრალური აზიის ქვეყნებზე. 2022 წელს საქართველოს მეზობელ ქვეყნებში ეკონომიკური ზრდის მაჩვენებლის ზომიერი ზრდაა მოსალოდნელი: სომხეთში (+7 წლიური პპ), აზერბაიჯანში (+3.7 წლიური პპ), თურქეთში (+5 წლიური პპ). მეორე მხრივ, მოსალოდნელია რუსეთის ეკონომიკური მაჩვენებლის წლიური 3.4 პროცენტული პუნქტით შემცირება, რაც წინა პროგნოზთან შედარებით გაზრდილი კლების მაჩვენებელია. შემცირდა განვითარებადი ბაზრების ეკონომიკის (EMDE) ქვეყნების მოსალოდნელი ზრდის მაჩვენებელიც და ამჟამად წლიურ 3.7%-ს შეადგენს, 2021 წლის 6.6%-იანი ზრდის ფონზე (IMF, ოქტომბერი 2022).
02
ოქტომბერი
2024
საქსტატის წინასწარი შეფასების თანახმად, 2024 წლის მეორე კვარტალში საქართველოს ნომინალური მშპ 22,101.7 მლნ ლარს შეადგენდა, მშპ-ის ზრდის წლიური მაჩვენებელი 9.6%, ხოლო მშპ-ის დეფლატორი – 2.5% იყო. ეს ზრდა სხვადასხვა სექტორში დამატებული ღირებულების მნიშვნელოვანი ზრდით იყო განპირობებული: მასპინძლობასთან და კვებით სექტორთან დაკავშირებული საქმიანობა გაიზარდა 35.7%-ით, განათლება – 21.3%-ით, შინასამეურნეო საქმიანობა, როგორიცაა დამსაქმებლებისა და მწარმოებლების მიერ პირადი მოხმარებისათვის საქონლის წამოება და მომსახურებების გაწევა – 17.3%-ით, ტრანსპორტირება და სასაწყობო საქმიანობა – 16.1%-ით, საჯარო ადმინისტრირება და თავდაცვა, მათ შორის სოციალური უსაფრთხოება – 13.3%-ით, მშენებლობა – 13%-ით.
28
ივნისი
2024
საქსტატის წინასწარი შეფასების თანახმად, 2024 წლის პირველ კვარტალში საქართველოს ნომინალური მშპ 18,913.2 მილიონ ლარს შეადგენდა, რეალური მშპ-ის ზრდის წლიური მაჩვენებელი 8.4%, ხოლო მშპ-ის დეფლატორის ცვლილება 3.1% იყო.
01
აპრილი
2024
2022 წლის მსგავსად, COVID-19-ის პანდემიის შემდეგ, საქართველოს ეკონომიკა 2023 წელსაც აღდგენის პროცესში იყო. საქსტატის წინასწარი შეფასების თანახმად, რეალური მშპ-ის მაჩვენებელი კვლავ შედარებით სწრაფი ტემპით იზრდება და მან 2023 წელს 7,5% შეადგინა, რაც მნიშვნელოვნად აღემატება საქართველოს ეროვნული ბანკის მიერ 2023 წლის ოქტომბერში პროგნოზირებულ 6%-ს.
29
დეკემბერი
2023
კოვიდ-19-ის პანდემიისა და რუსეთის უკრაინაში შეჭრის შედეგად არსებული მძიმე სიტუაცია ნელი, არათანაბარი ტემპით უმჯობესდება. მიუხედავად იმისა, რომ წლის დასაწყისში შეინიშნებოდა ეკონომიკური სტაბილურობა, რაც ეკონომიკის აღდგენით და ინფლაციის შესამცირებლად გაღებული ძალისხმევით გამოიხატა, სიხარული ჯერ მაინც ნაადრევია – ეკონომიკური აქტივობა ჯერ კიდევ არ დაბრუნებია პანდემიამდე არსებულ მაჩვენებელს, განსაკუთრებით, განვითარებადი ბაზრისა და ეკონომიკის მქონე ქვეყნებში, განსხვავება რეგიონებში დაფიქსირებულ მაჩვენებლებს შორის კი იზრდება.
23
ოქტომბერი
2023
2023 და 2024 წლებში მოსალოდნელია გლობალური ეკონომიკური ზრდის მაჩვენებლის 3,0%-მდე შემცირება 2022 წელს არსებული 3,5%-დან. საერთაშორისო სავალუტო ფონდის (სსფ) 2023 წლის აპრილის პროგნოზებთან შედარებით, 2023 წელს მოსალოდნელია ზრდის მაჩვენებლის 0,2 პროცენტული პუნქტით ზრდა, 2024 წლის პროგნოზი კი უცვლელია.
