29 მარტს ISET-ის კვლევითი ინსტიტუტის გუნდის წარმომადგენლებმა USAID-ის ეკონომიკური უსაფრთხოებისა (ESP) და ეკონომიკური მმართველობის (EGP) პროგრამების მიერ სამოქალაქო საზოგადოებრივი ორგანიზაციებისა (CSO) და კერძო სექტორული ასოციაციების (PSA) ადვოკატირების შესაძლებლობების განვითარების პროექტის ფარგლებში ორგანიზებულ ღონისძიებაზე ტრენინგები ჩაატარეს.

2021 წლის 17 დეკემბერს საქართველოს პარლამენტმა 2022 წლის სახელმწიფო ბიუჯეტი დაამტკიცა. ბიუჯეტით დამტკიცებული 19.2 მლრდ. ლარიდან საქართველოს გარემოს დაცვისა და სოფლის მეურნეობის სამინისტრო (MEPA) 593.1 მლნ.ლარს (მთლიანი ბიუჯეტის 3.1%-ს) მიიღებს.

ბოლო ათი წლის განმავლობაში საქართველოს მთავრობა მუდმივად ახორციელებდა ყურძნის, ვაშლისა და მანდარინის წარმოების სუბსიდირებას მთელი ქვეყნის მასშტაბით. მანდარინის სუბსიდირების მიმდინარე პროგრამით, 900 ათასი ლარი დაიხარჯება „არასტანდარტული“ (შედარებით დაბალი ხარისხის ხილის) მანდარინის სუბსიდირებაზე.

ISET-ის კვლევითი ინსტიტუტის გუნდმა მონაწილეობა მიიღო ეკონომიკური კვლევების მონიტორინგის პროგრამის (ERMP-ის) კვლევით კონკურსში, რომელიც ევრაზიისა და ჩინეთ-რუსეთის კვლევების ცენტრმა (CREC) გამართა. ISET-ის კვლევითი ინსტიტუტის მიერ მომზადებული კვლევითი პროექტის წინადადება ERMP-ის ფარგლებში გამოცხადებული საგრანტო კონკურსის ფინალში გავიდა.

2021 წლის 2 დეკემბერს ISET-ის კვლევითი ინსტიტუტის წარმომადგენლებმა მონაწილეობა მიიღეს სამუშაო შეხვედრაში, რომელსაც მსოფლიო ბანკის მოწვეული მისიის წევრები, დარგის ექსპერტები და მთავრობის, მათ შორის საჯარო რეესტრის ეროვნული სააგენტოს, საქართველოს გარემოს დაცვისა და სოფლის მეურნეობის სამინისტროსა და მიწის მდგრადი მართვისა და მიწათსარგებლობის მონიტორინგის ეროვნული სააგენტოს, წარმომადგენლები ესწრებოდნენ.