პროექტი „ბავშვის უფლებებზე დაფუძნებული საბიუჯეტო ანალიზის მეთოდოლოგიის შემუშავება", რომელსაც UNICEF აფინანსებს, მიზნად ისახავს საქართველოში საჯარო ბიუჯეტების ანალიზის სისტემური მიდგომის შექმნას ბავშვთა უფლებების პრიზმაში. მისი მიზანია უზრუნველყოს, რომ საჯარო ფინანსური გადაწყვეტილებები პრიორიტეტად მიიჩნევდეს ბავშვთა საჭიროებებს, ხელს უწყობდეს თანასწორობას და შეესაბამებოდეს საერთაშორისო სტანდარტებს, როგორიცაა გაეროს ბავშვის უფლებათა კონვენცია.

25 ივლისს თბილისში საერთაშორისო კონფერენცია გაიმართა, რომელიც საქართველოს სტატისტიკის ეროვნული სამსახურის (საქსტატი) 105 წლისა და გენდერული სტატისტიკის შეგროვების 25 წლის იუბილეს მიეძღვნა.

2 ნოემბერს ISET-მა უმასპინძლა საჯარო სემინარს "სიღარიბე და უთანასწორობა: მსოფლიოში და საქართველოში", რომელსაც უძღვებოდნენ მსოფლიო ბანკის უფროსი ეკონომისტები, ამბარ ნარაიანი, სიღარიბის და თანასწორობის GP პრაქტიკის მენეჯერი ევროპასა და ცენტრალურ აზიაში, და ასად ალამი, ევროპისა და ცენტრალური აზიის რეგიონული დირექტორი.

19-20 ოქტომბერს ISET-მა წლის ყველაზე მნიშვნელოვან ღონისძიებას, საერთაშორისო კონფერენციას უმასპინძლა თემაზე „გენდერული თანასწორობა და ქალთა გაძლიერება კრიზისის დროს“. ორდღიან ღონისძიებაში, რომელსაც ISET და FREE Network (აღმოსავლეთ ევროპისა და განვითარებადი ეკონომიკის კვლევების ფორუმი) მასპინძლობდნენ, მონაწილეობა მიიღეს მკვლევარებმა 15 ქვეყნიდან, მათ შორის ავსტრალიიდან, ინდოეთიდან, აშშ-დან, სამხრეთ კავკასიის, აღმოსავლეთ და დასავლეთ ევროპის ქვეყნებიდან.

გაეროს მოსახლეობის ფონდი (UNFPA) და ISET-ის კვლევითი ინსტიტუტი ერთობლივი პროექტის ფარგლებში მუშაობენ საქართველოში ვაჟებისადმი უპირატესობით განპირობებული მემკვიდრეობის პრაქტიკის სიღრმისეული ანალიზის ჩატარებაზე.