23 მაისს, ISET-ის კვლევითმა ინსტიტუტმა, პოლიტიკისა და მართვის საკონსულტაციო ჯგუფთან პარტნიორობით, საზოგადოებას ღირებულებათა ჯაჭვების ანალიტიკის პროექტის მიგნებები წარუდგინა. ღონისძიებას ესწრებოდნენ პროექტის დაინტერესებული მხარეები საჯარო და კერძო სექტორებიდან და საერთაშორისო ორგანიზაციებიდან.

19 მაისს ISET-ის კვლევითი ინსტიტუტი, შვედეთის საელჩოს მხარდაჭერითა და მონაწილეობით, ბათუმში მომუშავე ადგილობრივი არასამთავრობო და საერთაშორისო ორგანიზაციების, საჯარო და კერძო სექტორის წარმომადგენლებს შეხვდა და ორგანიზაციის საქმიანობა და ძირითადი პროდუქტები გააცნო.

2 თებერვალს ISET-ის დირექტორმა, თამარ სულუხიამ, აღმოსავლეთ პარტნიორობის რეგიონული საგზაო უსაფრთხოების ობსერვატორია წარადგინა ვორკშოპზე, რომელსაც აღმოსავლეთ პარტნიორობის ქვეყნების – აზერბაიჯანის, მოლდავეთის, საქართველოს, სომხეთის და უკრაინის – სამოქალაქო საზოგადოების ორგანიზაციები ესწრებოდნენ.

ISET-მა სულ ახლახან გააფორმა პარტნიორობა შპს პოლივიმთან და მწვანე რევოლუციის კამპანიაში ჩაერთო. ამ კამპანიის მიზანი პლასტმასის ნარჩენების გადამუშავებისა და პლასტმასის ნარჩენების შემცირების გზით გარემოზე ზრუნვაა.

RECONOMY 7-წლიანი პროგრამაა, რომელიც დასავლეთ ბალკანეთისა და აღმოსავლეთ პარტნიორობის ქვეყნებში ქალებისა და ახალგაზრდების, განსაკუთრებით კი გარიყული და დაუცველი ჯგუფების, გაძლიერებას ემსახურება. პროგრამის მიზანია, შემოსავლებისა და ღირსეული სამუშაო ადგილების ინკლუზიური და მდგრადი ზრდით საშუალება მისცეს სამიზნე ჯგუფებს, ისარგებლონ ეკონომიკური შესაძლებლობებით.