ISET-მა სულ ახლახან გააფორმა პარტნიორობა შპს პოლივიმთან და მწვანე რევოლუციის კამპანიაში ჩაერთო. ამ კამპანიის მიზანი პლასტმასის ნარჩენების გადამუშავებისა და პლასტმასის ნარჩენების შემცირების გზით გარემოზე ზრუნვაა.

კამპანიის ფარგლებში ISET აქტიურად შეაგროვებს პლასტმასის ბოთლებს და შპს პოლივიმს გადასცემს გადასამუშავებლად. პლასტმასის ბოთლები ადვილი გადასამუშავებლია და შეიძლება ტანსაცმლისა და ავეჯის დასამზადებლადაც კი გამოვიყენოთ. პოლივიმი ნახმარი პლასტმასის ბოთლების შეგროვებისა და სეპარაციის ნამდვილი ჩემპიონია. ორგანიზაცია ნარჩენებს სპეციალურ საწარმოში ამუშავებს და მიღებული მასალისგან პოლიესტერის ბოჭკოს ამზადებს.

აღსანიშნავია, რომ მწვანე რევოლუციის კამპანია ემსახურება როგორც მდგრადობის კულტურის პოპულარიზებას, ისე პასუხისმგებლობის ზრდასაც. კამპანია ISET-ის სტუდენტებს საშუალებას მისცემს, საკუთარი წვლილი შეიტანონ მწვანე ეკონომიკის დღის წესრიგში. როგორც საგანმანათლებლო დაწესებულება, გვჯერა, რომ გარემოსდაცვით პროექტებში მონაწილეობა უმნიშვნელოვანესია კორპორატიული სოციალური პასუხისმგებლობის წახალისებისა და განვითარებისთვის.