7 ივლისს რეფორმეტრმა, USAID-ის ეკონომიკური მმართველობის პროგრამამ და ტურიზმის ინსტიტუტმა ერთობლივ საჯარო-კერძო დიალოგს უმასპინძლეს, რომელიც ბათუმში გაიმართა და ტურიზმის რეფორმის პროგრესის შეფასებას დაეთმო.

6 ივლისს, ISET-ის კვლევითმა ინსტიტუტმა, PMC კვლევით ცენტრთან თანამშრომლობით და USAID-ის ეკონომიკური უსაფრთხოების პროგრამის მხარდაჭერით, პროექტის "სექტორებისა და ღირებულებათა ჯაჭვების ანალიტიკის" ფარგლებში, 2022 წლის ანალიტიკური ანგარიში წარუდგინა შესაბამის დაინტერესებულ მხარეებს, სექტორული ასოციაციაციებისა და დონორი ორგანიზაციების წარმომადგენლებს.

ISET-ის კვლევითი ინსტიტუტის ორგანიზებით 4 ივლისს, ISET-ის სტუდენტებისთვის გაიმართა ტრენინგი თემაზე „ბიზნეს მოდელები საქართველოს ტრანსპორტის სექტორში კლიმატ-ტექნოლოგიების დასანერგად".

3 ივლისს ISET-ის კვლევითმა ინსტიტუტმა მრგვალი მაგიდის დისკუსიას უმასპინძლა მოგების გადასახადის რეფორმის შეფასებაზე. ღონისძიებას ესწრებოდნენ ადგილობრივი და საერთაშორისო ორგანიზაციების ექსპერტები, რომლებმაც იმსჯელეს და საკუთარი მოსაზრებები დააფიქსირებს რეფორმის მიმდინარეობასა და კვლევის შედეგებზე.

2023 წლის ივნისში საქართველოს სტატისტიკის ეროვნულმა სამსახურმა გამოსცა წლიური პუბლიკაცია სოფლის მეურნეობის სექტორის შესახებ – „საქართველოს სოფლის მეურნეობა 2022“. პუბლიკაციის თანახმად, სოფლის მეურნეობის, მეტყევეობის და მეთევზეობის გამოშვებამ 2022 წელს მშპ-ის 7.5% შეადგინა (მუდმივ ფასებში), რაც 2021 წლის მაჩვენებელზე (8%-ზე) ნაკლებია, თუმცა შეესაბამება გასული წლების ზოგად ტენდენციას (სოფლის მეურნეობის მშპ მთლიანი მშპ-ის 7-8%-ს შეადგენდა).