UNFPA და ISET-ის კვლევითი ინსტიტუტი ერთობლივი პროექტის ფარგლებში მუშაობენ საქართველოში ვაჟებისადმი უპირატესობით განპირობებული მემკვიდრეობის პრაქტიკის სიღრმისეული ანალიზის ჩატარებაზე. პროექტის გუნდი შეიმუშავებს კვლევის მეთოდოლოგიას და ჩაატარებს საკითხის წინასწარ სამაგიდო კვლევას. პროგრამის მიზანია საქართველოს მემკვიდრეობის კანონმდებლობასა და პრაქტიკაში ფესვგადგმული გენდერული მიკერძოების სიღრმეების გააზრება და მისი პრაქტიკული ზეგავლენა ქალთა ცხოვრებაზე, მათ სტატუსსა და სოციო-ეკონომიკურ შედეგებზე.

პროექტი WISE, რომელიც 2022 წლის ოქტომბერში დაიწყო, მხარს უჭერს სამ ორგანიზაციას სამხრეთ კავკასიაში, რომელიც გენდერული ძალადობისა და ექსტრემიზმის საკითხებზე მუშაობს. ამ ინიციატივის ფარგლებში, ISET-ის კვლევითმა ინსტიტუტმა ჩაატარა საბაზისო კვლევა, რომლის უპირველესი მიზანია მნიშვნელოვანი ინფორმაციის მიწოდება მტკიცებულებებზე დაფუძნებული პროგრამების შესახებ ინფორმირებისთვის, განსაკუთრებით ისეთების, რომლებიც ფოკუსირებულია გენდერულ ტრანსფორმაციულ მიდგომებზე.

„კარგი მმართველობა გენდერული თანასწორობისთვის საქართველოში“ (GG4GEG) პროექტის ფარგლებში, გაეროს ქალთა ორგანიზაცია თანამშრომლობს საჯარო სამსახურის ბიუროსა (CSB) და ISET-ის კვლევით ინსტიტუტთან, რომლის ფარგლებშიც მომზადდა საქართველოს საჯარო სამსახურის შესახებ კანონის გენდერული ზეგავლენის შეფასების (GIA) ყოვლისმომცველი ანგარიში.

შერჩეული სამთავრობო პროგრამებისა და პოლიტიკისთვის ჩატარებული გენდერული ზეგავლენის შეფასებების (GIAs) მიზანია საქართველოს საჯარო რეესტრის შესახებ კანონში დაგეგმილი საკანონმდებლო ცვლილებებისა და მარტოხელა მშობლების სტატუსთან დაკავშირებული საკანონმდებლო ცვლილებების პაკეტის ანალიზი.

ISET-ის კვლევითი ინსტიტუტი, ნორვეგიის საგარეო საქმეთა სამინისტროს ფინანსური მხარდაჭერით, ქმნის ტრენინგების სერიას, რომელიც დაეხმარება ქართველ ჟურნალისტებსა და ჟურნალისტიკის ფაკულტეტის სტუდენტებს, გაეცნონ ენერგეტიკისა და გარემოსდაცვითი ეკონომიკის ძირითად კონცეფციებსა და იდეებს.