ენერგიის რა ალტერნატიული წყაროების გამოყენება შეიძლება საქართველოს მთიან რეგიონებში, რათა უზრუნველყოფილი იყოს ენერგოუსაფრთხოება, სამართლიანობა და გარემოსდაცვითი მდგრადობა?

კვლევის მიზანია, ხელი შეუწყოს საქართველოს მაღალმთიან დასახლებებში ენერგეტიკული უსაფრთხოების, სამართლიანობისა და გარემოს მდგრადი განვითარების საკითხის მოგვარებას.

კვლევამ შეისწავლა მაღალმთიან რეგიონებში ენერგომომარაგების მხრივ არსებული ვითარება და ენერგიის ალტერნატიული წყაროების დანერგვის პოტენციალი. კვლევამ მიმოიხილა მთავარი სამართლებრივი და სოციალურ-ეკონომიკური გამოწვევები მთიან რეგიონებში ენერგიის მუდმივ ხელმისაწვდომობასთან დაკავშირებით. შეფასდა თითოეული ალტერნატიული ენერგიის წყაროს დანერგვისთვის საჭირო ტექნოლოგიების ხარჯები და მათი გამოყენებით მიღებული სარგებელი.