13-14 თებერვალს ISET-ის კვლევითმა ინსტიტუტმა უმასპინძლა მაღალი დონის ნეთვორქინგისა და გამოცდილების გაზიარების ღონისძიებას, რომელშიც 14 ქართული არასამთავრობო ორგანიზაციის (NGO) ლიდერები მონაწილეობდნენ. ღონისძიება გაიმართა "აღმოსავლეთ პარტნიორობის ქვეყნებში სამოქალაქო საზოგადოების გაძლიერების" (EaP CSO) პროგრამის ფარგლებში, რომლის მიზანია სამოქალაქო საზოგადოების ორგანიზაციებს შორის თანამშრომლობის გაძლიერება და მათი როლის მხარდაჭერა მდგრადი და ინკლუზიური ადგილობრივი განვითარების საქმეში.

EaP CSO პროგრამას ეკონომიკური თანამშრომლობისა და განვითარების ფედერალური სამინისტროს (BMZ) დაკვეთით Deutsche Gesellschaft für Internationale Zusammenarbeit (GIZ) ახორციელებს. ინიციატივა ფოკუსირებულია სამოქალაქო საზოგადოების ქსელების გაძლიერებაზე, დიალოგის ხელშეწყობასა და ძირითად დაინტერესებულ მხარეებს შორის თანამშრომლობის განვითარებაზე.

თბილისში გამართულ საქმიან შეხვედრებზე შეიკრიბნენ საქართველოს სამოქალაქო საზოგადოების სექტორის გამორჩეული წარმომადგენლები, დონორი ორგანიზაციებისა და წამყვანი არასამთავრობო ორგანიზაციების წარმომადგენლებთან ერთად, რათა განეხილათ საერთო გამოწვევები, გაეცვალათ გამოცდილებები და შეესწავლათ ერთობლივი ინიციატივების შესაძლებლობები.

ამ ღონისძიების მასპინძლობით, ISET-ის კვლევითმა ინსტიტუტმა მნიშვნელოვანი როლი შეასრულა საქართველოს სამოქალაქო საზოგადოების სექტორში დიალოგის ხელშეწყობასა და კავშირების გაძლიერებაში. მოსალოდნელია, რომ ინიციატივა ხელს შეუწყობს უფრო მდგრადი და ურთიერთდაკავშირებული სამოქალაქო საზოგადოების ქსელის განვითარებას, რაც ორგანიზაციებს საშუალებას მისცემს უფრო ეფექტურად იმუშაონ თავიანთი მიზნების მისაღწევად.