აგვისტო 2022 | ელექტროენერგიის ბაზრის მიმოხილვა

ინდექსები

მთავარი ინდექსები ელექტროენერგიის ბაზრის მიმოხილვა

26 სექტემბერი 2022

2022 წლის აგვისტოში საქართველოს ელექტროსადგურებმა ჯამში 1,401 მილიონი კილოვატსაათი ელექტროენერგია გამოიმუშავა. აღნიშნული მაჩვენებელი, წინა წელთან შედარებით, სრული წარმოების 16%-იან ზრდას წარმოადგენს (2021 წლის აგვისტოში სრული წარმოება 1,203 მილიონი კილოვატსაათი იყო). წარმოების წლიური ზრდა ჰიდროელექტროსადგურების (+13%), თბოელექტროსადგურებისა (+38%) და ქარის ელექტროსადგურების (+71%) გამომუშავების ზრდამ განაპირობა.

თვიურ ჭრილში, წარმოება, დაახლოებით, 7%-ით გაიზარდა (2022 წლის ივლისში სრული წარმოება 1,308 მილიონ კილოვატსაათს გაუტოლდა). წარმოების თვიდან თვემდე ზრდა თბოელექტროსადგურების გამომუშავების მნიშვნელოვან ზრდასა (თბოელექტროსადგურების წარმოება 83-ჯერ გაიზარდა) და ქარის ენერგიის ზრდას (+19%) უკავშირდება, მაშინ როდესაც ჰიდროელექტროსადგურების გამომუშავება შემცირდა (-11%).

ელექტროენერგიის მოხმარებამ ადგილობრივ ბაზარზე 1,206 მილიონი კილოვატსაათი შეადგინა (4%-ით მეტი 2021 წლის აგვისტოსთან შედარებით და, 5%-ით მეტი 2022 წლის ივლისთან შედარებით) (დიაგრამა 1). 2022 წლის აგვისტოში ენერგიის წარმოებამ მოხმარებას 195 მილიონი კილოვატსაათით გადააჭარბა, რაც შეადგენდა სრული წარმოების 14%-ს და სრული მოხმარების 16%-ს (2021 წლის აგვისტოში წარმოებასა და მოხმარებას შორის სხვაობამ 39 მილიონი კილოვატსაათი შეადგინა, რაც თვის განმავლობაში სრული წარმოების დაახლოებით 3%-ს და სრული მოხმარების 3%-ს გაუტოლდა).

თეგები: #ელექტროენერგია, #ენერგეტიკა, #ჰიდროენერგია, #თბოენერგია, #ქარის ენერგია,

ინდექსები

მიმაგრებული ფაილი

მსგავსი ინდექსები