აპრილი 2024 | ელექტროენერგიის ბაზრის მიმოხილვა

ინდექსები

მთავარი ინდექსები ელექტროენერგიის ბაზრის მიმოხილვა

24 მაისი 2024

2024 წლის აპრილში საქართველოს ელექტროსადგურებმა ჯამში 1,085 მლნ კვტსთ ელექტროენერგია გამოიმუშავა. აღნიშნული მაჩვენებელი, წინა წელთან შედარებით, სრული წარმოების 13%-იან კლებას წარმოადგენს (2023 წლის აპრილში სრული წარმოება 1,249 მლნ კვტსთ იყო). წარმოების წლიური კლება ჰესების (-12%), თესების (-25%) და ქარის (-10) სადგურების გამომუშავების კლებამ განაპირობა.

თვიურ ჭრილში წარმოება 4%-ით შემცირდა (2024 წლის მარტში სრული წარმოება 1,130 მლნ კვტსთ-ს გაუტოლდა). წარმოების თვიდან თვემდე კლება თბო სადგურების (-81%), ქარის (-4%) და ჰესების (-4%) გამომუშავების კლებამ გამოიწვია.

ელექტროენერგიის მოხმარებამ ადგილობრივ ბაზარზე 995 მლნ კვტსთ შეადგინა (4%-ით მეტი 2023 წლის აპრილთან შედარებით და 16%-ით ნაკლები 2024 წლის მარტთან შედარებით). 2024 წლის აპრილში ენერგიის წარმოებამ მოხმარებას 91 მლნ კვტსთ-ით გადააჭარბა, რაც სრული წარმოების 8%-სა და სრული მოხმარების 9%-ს შეადგენდა (2023 წლის აპრილში წარმოებასა და მოხმარებას შორის სხვაობამ 212 მლნ კვტსთ-იანი სიჭარბე შეადგინა, რაც თვის განმავლობაში სრული წარმოების 17%-ს და სრული მოხმარების 20%-ს გაუტოლდა).

თეგები: #ინდექსი, #ელექტროენერგია, #ენერგეტიკა, #ჰიდროენერგია, #თბოენერგია, #ქარის ენერგია,

ინდექსები

მიმაგრებული ფაილი

მსგავსი ინდექსები