მარტი 2024 | ელექტროენერგიის ბაზრის მიმოხილვა

ინდექსები

მთავარი ინდექსები ელექტროენერგიის ბაზრის მიმოხილვა

22 აპრილი 2024

2024 წლის მარტში საქართველოს ელექტროსადგურებმა ჯამში 1,130 მილიონი კილოვატსაათი ელექტროენერგია გამოიმუშავა. აღნიშნული მაჩვენებელი, წინა წელთან შედარებით, სრული წარმოების 11%-იან ზრდას წარმოადგენს (2023 წლის მარტში სრული წარმოება 1,019 მილიონი კილოვატსაათი იყო). წარმოების წლიური ზრდა თბოელექტროსადგურების (+90%) და ქარის (+20) სადგურების გამომუშავების ზრდამ განაპირობა, მაშინ როცა ჰიდროელექტროსადგურების (-10%) გამომუშავება შემცირდა.

თვიურ ჭრილში, წარმოება, 11%-ით გაიზარდა (2024 წლის თებერვალში სრული წარმოება 1,022 მილიონ კილოვატსაათს გაუტოლდა). წარმოების თვიდან თვემდე ზრდა თბო სადგურების (+16%), ქარის (+47%) და ჰიდროელექტროსადგურების (+8%) გამომუშავების ზრდამ გამოიწვია.

ელექტროენერგიის მოხმარებამ ადგილობრივ ბაზარზე 1,182 მილიონი კილოვატსაათი შეადგინა (6%-ით მეტი 2023 წლის მარტთან შედარებით და 3%-ით მეტი 2024 წლის თებერვალთან შედარებით). 2024 წლის მარტში ენერგიის მოხმარებამ წარმოებას 52 მილიონი კილოვატსაათით გადააჭარბა, რაც სრული წარმოების 5%-სა და სრული მოხმარების 4%-ს შეადგენდა (2023 წლის მარტში წარმოებასა და მოხმარებას შორის სხვაობამ 97 მილიონი კილოვატსაათიანი დეფიციტი შეადგინა, რაც თვის განმავლობაში სრული წარმოების 10%-ს და სრული მოხმარების დაახლოებით 9%-ს გაუტოლდა).

თეგები: #ინდექსი, #ენერგეტიკა, #ელექტროენერგია, #ჰიდროენერგია, #თბოენერგია, #ქარის ენერგია,

ინდექსები

იხილეთ პუბლიკაცია

მსგავსი ინდექსები