24 ოქტომბერს თამარ სულუხიამ, ISET-ის კვლევითი ინსტიტუტის დირექტორმა, მონაწილეობა მიიღო პანელურ დისკუსიაში, რომელიც გაეროს მიერ გამართული ღონისძიების ნაწილი იყო. პანელური დისკუსიის მონაწილეებმა ისაუბრეს ისეთ მნიშვნელოვან თემებზე, როგორიცაა ღირსეული სამუშაო ადგილების შექმნა ინკლუზიურ შრომის ბაზარზე, ეფექტიანი დეცენტრალიზაციის უზრუნველყოფის მნიშვნელობასა და სხვ.

18 ოქტომბერს ISET-ის კვლევითი ინსტიტუტის დირექტორმა, თამარ სულუხიამ, მონაწილეობა მიიღო პანელურ დისკუსიაში მსოფლიო ბანკის მიერ ორგანიზებულ ღონისძიებაზე, რომელიც საქართველოსთვის მომზადებული სისტემატური დიაგნოსტიკის კვლევის წარდგენას დაეთმო.

3 ოქტომბერს ISET-ის კვლევითმა ინსტიტუტმა და Zinc Network-მა უმასპინძლეს საჯარო პრეზენტაციას, რომელზეც ISET-ის კვლევითმა ინსტიტუტმა საქართველოში რუსული ბიზნეს მფლობელობის ფაქტორებით გამოწვეული რისკების კვლევის შედეგები წარადგინა. ღონისძიებას ადგილობრივი და საერთაშორისო ინსტიტუტების, სამოქალაქო საზოგადოების და ფართო საზოგადოების წარმომადგენლები ესწრებოდნენ.

25 სექტემბერს რეფორმეტრმა, USAID-ის ეკონომიკური მმართველობის პროგრამამ და საქართველოს ტურიზმის ინდუსტრიის ალიანსმა ერთობლივ საჯარო-კერძო დიალოგს უმასპინძლეს, რომელიც ქუთაისში გაიმართა და ტურიზმის რეფორმის პროგრესის შეფასებას დაეთმო.

25 ივლისს ISET-ის კვლევითი ინსტიტუტი, შვედეთის საელჩოს მხარდაჭერით, ქუთაისში მომუშავე ადგილობრივი არასამთავრობო და საერთაშორისო ორგანიზაციების, საჯარო და კერძო სექტორის წარმომადგენლებს შეხვდა და ორგანიზაციის საქმიანობა და ძირითადი პროდუქტები გააცნო.