2025 წლის 22-24 მაისს ISET-ის კვლევითი ინსტიტუტის სამი წამყვანი ეკონომისტი – დავით კეშელავა, მარიამ ლობჯანიძე და გიორგი პაპავა – დაესწრნენ პრესტიჟულ Growth Academy 2025-ს, რომელიც მსოფლიო ბანკის, ჩიკაგოს უნივერსიტეტისა და რუმინეთის ეროვნული ბანკის თანაორგანიზებით ჩატარდა ბუქარესტში. ღონისძიებამ ერთ სივრცეში მოუყარა თავი წამყვან აკადემიკოსებს, პოლიტიკის შემქმნელებსა და განვითარების პრაქტიკოსებს ევროპისა და ცენტრალური აზიის (ECA) რეგიონიდან.

4 აპრილს ISET-ის კვლევითმა ინსტიტუტმა უმასპინძლა საჯარო სემინარს, რომელიც დაეთმო დისკუსიას თბილისში ჰაერის დაბინძურების, სიღარიბისა და თანასწორობის შესახებ. მსოფლიო ბანკის სიღარიბისა და თანასწორობის პრაქტიკის ეკონომისტებმა, ალან ფუქსმა და სანდრა ბაკიმ წარადგინეს მსოფლიო ბანკის ახალი კვლევა, „სიღარიბე და ჰაერის დაბინძურების განაწილებითი შედეგები თბილისში“ და მოწვეულ სტუმრებთან ისაუბრეს ამ აქტუალურ საკითხზე სიღრმისეული კვლევისა და დიალოგის მნიშვნელობაზე.

2 ნოემბერს ISET-მა უმასპინძლა საჯარო სემინარს "სიღარიბე და უთანასწორობა: მსოფლიოში და საქართველოში", რომელსაც უძღვებოდნენ მსოფლიო ბანკის უფროსი ეკონომისტები, ამბარ ნარაიანი, სიღარიბის და თანასწორობის GP პრაქტიკის მენეჯერი ევროპასა და ცენტრალურ აზიაში, და ასად ალამი, ევროპისა და ცენტრალური აზიის რეგიონული დირექტორი.

18 ოქტომბერს ISET-ის კვლევითი ინსტიტუტის დირექტორმა, თამარ სულუხიამ, მონაწილეობა მიიღო პანელურ დისკუსიაში მსოფლიო ბანკის მიერ ორგანიზებულ ღონისძიებაზე, რომელიც საქართველოსთვის მომზადებული სისტემატური დიაგნოსტიკის კვლევის წარდგენას დაეთმო.

15 ივნისს ISET-ის კვლევითი ინსტიტუტის დირექტორმა, თამარ სულუხიამ, მსოფლიო ბანკის მიერ ორგანიზებულ პანელურ დისკუსიაში მიიღო მონაწილეობა.