აღნიშნული დებატის მონაწილეებმა განიხილეს ის სამომავლო ნაბიჯები, რაც საჭიროა საქართველოში მცირე და საშუალო საწარმოების ზრდისთვის, რადგან სექტორი ეკონომიკის მნიშვნელოვან ნაწილს წარმოადგენს. ექსპერტების ჯგუფში შედიოდნენ გამომსვლელები, რომლებიც წარმოადგენდნენ მთავრობას, მცირე და საშუალო საწარმოებს, საფინანსო სექტორს, აკადემიურ წრეებს, არასამთავრობო ორგანიზაციებს, ბიზნესებსა და ბიზნეს-ასოციაციებს.

აღნიშნული პროექტის უმთავრესი მიზანი იყო საქართველოს მთავრობის პოლიტიკისა და დონორების მიერ დაფინანსებული პროგრამების რეგულარული განხილვისთვის ბუნებრივი პლატფორმის შექმნა, რათა წავახალისოთ ინკლუზიური ზრდა. ჯამში, პროექტის ფარგლებში, ISET-ის კვლევთიმა ინსტიტუტმა უკვე უმასპინძლა შვიდ დებატსა და სამი პროექტის პრეზენტაციას.

რეგიონებს შორის არაერთი სხვაობა არსებობს, თუმცა ყველაზე სისტემური რეგიონული უთანასწორობები შეიძლება რეგიონებს შორის ურბანიზაციის მაჩვენებლებს შორის არსებული სხვაობებით აიხსნას. კერძოდ, შედარებით მეტად ურბანიზებულ რეგიონებს, როგორც წესი, ერთ სულ მოსახლეზე უფრო მაღალი მთლიანი დამატებული ღირებულება, ბევრად მრავალფეროვანი და განვითარებული ეკონომიკური სტრუქტურა და ბევრად განვითარებული ინფრასტრუქტურა აქვთ.

გამოთვლადი ზოგადი წონასწორობის მოდელი (CGE) არის ანალიტიკური ინსტრუმენტი, რომელსაც ქვეყნები და საერთაშორისო საფინანსო ინსტიტუტები პოლიტიკის ინტერვენციების სიმულირებისთვის იყენებენ. CGE-ის გამოყენება არ შემოიფარგლება პოლიტიკის ერთი კონკრეტული სფეროთი.

საქართველოს ეროვნული კონკურენტუნარიანობის კვლევის ანგარიში მიზნად ისახავს, კონკურენტუნარიანობის საკითხების ღრმა და ყოვლისმომცველი კვლევის საფუძველზე შეავსოს მსოფლიო ეკონომიკური ფორუმის მსოფლიო კონკურენტუნარიანობის ანგარიში. კერძოდ, ის შეისწავლის საქართველოს პოტენციალს, გამოიყენოს მისი გეოგრაფიული მდებარეობა და ბიზნეს-გარემო, რათა მოირგოს კავკასიის რეგიონის ეკონომიკური ჰაბის როლი.

ISET-ის კვლევითმა ინსტიტუტმა ითამაშა შედარებით მცირე როლი ამ პროექტში. ჩვენი გუნდი ეხმარებოდა ეკორისისა (ნიდერლანდების სამეფო) და CASE-ს (პოლონეთი) კონსორციუმებს. კვლევას აფინანსებდა ევროპის კომისია (DG Trade). კვლევის ქართული კომპონენტის მიზანი იყო, ევროკავშირის ფიტო და ვეტერინარულ კონტროლთან შესაბამისობაში მოყვანის ხარჯების დადგენა, რაც განაპირობებს ხორცისა და ხორც-პროდუქტების ფასებისა და ევროკავშირში ქართული ხორცის ექსპორტის ზრდას.