ივლისი 2023 | ელექტროენერგიის ბაზრის მიმოხილვა

ინდექსები

მთავარი ინდექსები ელექტროენერგიის ბაზრის მიმოხილვა

01 სექტემბერი 2023

2023 წლის ივლისში საქართველოს ელექტროსადგურებმა ჯამში 1,541 მილიონი კილოვატსაათი ელექტროენერგია გამოიმუშავა. აღნიშნული მაჩვენებელი, წინა წელთან შედარებით, სრული წარმოების 18%-იან ზრდას წარმოადგენს (2022 წლის ივლისში სრული წარმოება 1,308 მილიონი კილოვატსაათი იყო). წარმოების წლიური ზრდა ჰიდროელექტროსადგურების (+8%), ქარის ელექტროსადგურების (+8%) და თბოელექტროსადგურების (+45-ჯერ) გამომუშავების ზრდამ განაპირობა.

თვიურ ჭრილში, წარმოება, დაახლოებით, 13%-ით გაიზარდა (2023 წლის ივნისში სრული წარმოება 1,369 მილიონ კილოვატსაათს გაუტოლდა). წარმოების თვიდან თვემდე ზრდა ჰიდროელექტროსადგურების (+3%), ქარის ელექტროსადგურების (+59%) და თბოელექტროსადგურების (+73-ჯერ) გამომუშავების ზრდამ გამოიწვია.

ელექტროენერგიის მოხმარებამ ადგილობრივ ბაზარზე 1,102 მილიონი კილოვატსაათი შეადგინა (4%-ით ნაკლები 2022 წლის ივლისთან შედარებით და 12%-ით მეტი 2023 წლის ივნისთან შედარებით) (დიაგრამა 1). 2023 წლის ივლისში ენერგიის წარმოებამ მოხმარებას 440 მილიონი კილოვატსაათით გადააჭარბა, რაც სრული წარმოების 29%-სა და სრული მოხმარების 40%-ს შეადგენდა (2022 წლის ივლისში წარმოებასა და მოხმარებას შორის სხვაობამ 161 მილიონი კილოვატსაათი შეადგინა, რაც თვის განმავლობაში, როგორც სრული წარმოების 12%, ხოლო სრული მოხმარების დაახლოებით 14%-ს გაუტოლდა).

თეგები: #index, #emr, #energy, #electricity, #thermal power, #hydropower, #wind power,

ინდექსები

მიმაგრებული ფაილი

მსგავსი ინდექსები