ივნისი 2023 | ელექტროენერგიის ბაზრის მიმოხილვა

ინდექსები

მთავარი ინდექსები ელექტროენერგიის ბაზრის მიმოხილვა

27 ივლისი 2023

2023 წლის ივნისში საქართველოს ელექტროსადგურებმა ჯამში 1,369 მილიონი კილოვატსაათი ელექტროენერგია გამოიმუშავა (დიაგრამა 1). აღნიშნული მაჩვენებელი, წინა წელთან შედარებით, სრული წარმოების 8%-იან კლებას წარმოადგენს (2022 წლის ივნისში სრული წარმოება 1,485 მილიონი კილოვატსაათი იყო). წარმოების წლიური კლება ჰიდროელექტროსადგურების (-8%), ქარის ელექტროსადგურების (-9%) და თბოელექტროსადგურების (-46%) გამომუშავების კლებამ განაპირობა.

თვიურ ჭრილში, წარმოება, დაახლოებით, 3%-ით გაიზარდა (2023 წლის მაისში სრული წარმოება 1,325 მილიონ კილოვატსაათს გაუტოლდა) (დიაგრამა 1). წარმოების თვიდან თვემდე ზრდა ჰიდროელექტროსადგურების (+3%) და თბოელექტროსადგურების (+104%) გამომუშავების ზრდამ გამოიწვია, მაშინ როცა ქარის ელექტროსადგურების (-30%) გამომუშავება შემცირდა.

ელექტროენერგიის მოხმარებამ ადგილობრივ ბაზარზე 981 მილიონი კილოვატსაათი შეადგინა (9%-ით ნაკლები 2022 წლის ივნისთან შედარებით და 5%-ით ნაკლები 2023 წლის მაისთან შედარებით) (დიაგრამა 1). 2023 წლის ივნისში ენერგიის წარმოებამ მოხმარებას 387 მილიონი კილოვატსაათით გადააჭარბა, რაც სრული წარმოების 28%-სა და სრული მოხმარების 39%-ს შეადგენდა (2022 წლის ივნისში წარმოებასა და მოხმარებას შორის სხვაობამ 403 მილიონი კილოვატსაათი შეადგინა, რაც თვის განმავლობაში, როგორც სრული წარმოების 27%, ხოლო სრული მოხმარების დაახლოებით 37%-ს გაუტოლდა).

თეგები: #ელექტროენერგია, #ენერგეტიკა, #თბოენერგია, #ჰიდროენერგია, #ქარის ენერგია, #ინდექსი,

ინდექსები

მიმაგრებული ფაილი

მსგავსი ინდექსები