აპრილი 2023 | ელექტროენერგიის ბაზრის მიმოხილვა

ინდექსები

მთავარი ინდექსები ელექტროენერგიის ბაზრის მიმოხილვა

05 ივნისი 2023

2023 წლის აპრილში საქართველოს ელექტროსადგურებმა ჯამში 1,249 მილიონი კილოვატსაათი ელექტროენერგია გამოიმუშავა. აღნიშნული მაჩვენებელი, წინა წელთან შედარებით, სრული წარმოების 11%-იან ზრდას წარმოადგენს (2022 წლის აპრილში სრული წარმოება 1,125 მილიონი კილოვატსაათი იყო). წარმოების წლიური ზრდა ჰიდროელექტროსადგურების (+5%), თბოელექტროსადგურებისა (+181%) ქარის ელექტროსადგურების (+38%) გამომუშავების ზრდამ განაპირობა.

თვიურ ჭრილში, წარმოება, დაახლოებით, 23%-ით გაიზარდა (2023 წლის მარტში სრული წარმოება 1,019 მილიონ კილოვატსაათს გაუტოლდა). წარმოების თვიდან თვემდე ზრდა ჰიდროელექტროსადგურებისა (+42%) და ქარის ელექტროსადგურების (+29%) გამომუშავების ზრდამ გამოიწვია, მაშინ როცა თბოელექტროსადგურების (-53%) გამომუშავება შემცირდა.

ელექტროენერგიის მოხმარებამ ადგილობრივ ბაზარზე 1,037 მილიონი კილოვატსაათი შეადგინა (10%-ით ნაკლები 2022 წლის აპრილთან შედარებით და 7%-ით ნაკლები 2023 წლის მარტთან შედარებით). 2023 წლის აპრილში ენერგიის წარმოებამ მოხმარებას 212 მილიონი კილოვატსაათით გადააჭარბა, რაც სრული წარმოების 17%-სა და სრული მოხმარების 20%-ს შეადგენდა (2022 წლის აპრილში წარმოებასა და მოხმარებას შორის დეფიციტმა 30 მილიონი კილოვატსაათი შეადგინა, რაც თვის განმავლობაში, როგორც სრული წარმოების, ასევე მოხმარების დაახლოებით 3%-ს გაუტოლდა).

თეგები: #ინდექსი, #ენერგეტიკა, #ელექტრონერგია, #ჰიდროენერგია, #თბოენერგია, #ქარის ენერგია,

ინდექსები

მიმაგრებული ფაილი

მსგავსი ინდექსები