მარტი 2022 | ელექტროენერგიის ბაზრის მიმოხილვა

ინდექსები

მთავარი ინდექსები ელექტროენერგიის ბაზრის მიმოხილვა

25 აპრილი 2022

2022 წლის მარტში საქართველოს ელექტროსადგურებმა ჯამში 1077 მილიონი კილოვატსაათი ელექტროენერგია გამოიმუშავა. აღნიშნული მაჩვენებელი, წინა წელთან შედარებით, სრული წარმოების 63%-იან ზრდას წარმოადგენს (2021 წლის მარტში სრული წარმოება 661 მილიონი კილოვატსაათი იყო). წარმოების ყოველწლიური ზრდა ჰიდროელექტროსადგურების (20%) და თბოელექტროსადგურების (182%) გაზრდილმა გამომუშავებამ განაპირობა, მაშინ როცა ქარის ენერგიის წარმოება 20%-ით შემცირდა.

თვიური გამოთვლებით, წარმოება, დაახლოებით, 21%-ით გაიზარდა (2022 წლის თებერვალში სრული წარმოება 890 მილიონ კილოვატსაათს გაუტოლდა) (დიაგრამა 1). წარმოების თვიური ზრდა ჰიდროელექტროელექტროსადგურების (30%), თბოელექტროსადგურების (12%) და ქარის ენერგიის (31%) წაებმოების ზრდამ გამოიწვია.

ელექტროენერგიის მოხმარებამ ადგილობრივ ბაზარზე 1350 მილიონი კილოვატსაათი შეადგინა (10%-ით მეტი 2021 წლის მარტთან შედარებით და 12%-ით მეტი 2022 წლის თებერვალთან შედარებით) (დიაგრამა 1). 2022 წლის მარტში ენერგიის მოხმარებამ წარმოებას 273 მილიონი კილოვატსაათით გადააჭარბა, რაც სრული წარმოების 25%-ს შეადგენდა (2021 წლის მარტში მოხმარებასა და წარმოებას შორის სხვაობამ 566 მილიონი კილოვატსაათი შეადგინა, რაც თვის განმავლობაში სრული წარმოების დაახლოებით 86%-ს გაუტოლდა).

თეგები: #ელექტროენერგია, #ენერგეტიკა, #ჰიდროენერგია, #თბოენერგია, #ქარის ენერგია,

ინდექსები

იხილეთ პუბლიკაცია

მსგავსი ინდექსები