ნოემბერი 2023 | ელექტროენერგიის ბაზრის მიმოხილვა

ინდექსები

მთავარი ინდექსები ელექტროენერგიის ბაზრის მიმოხილვა

29 დეკემბერი 2023

2023 წლის ნოემბერში საქართველოს ელექტროსადგურებმა ჯამში 1,003 მილიონი კილოვატსაათი ელექტროენერგია გამოიმუშავა. აღნიშნული მაჩვენებელი, წინა წელთან შედარებით, სრული წარმოების 11%-იან კლებას წარმოადგენს (2022 წლის ნოემბერში სრული წარმოება 1,131 მილიონი კილოვატსაათი იყო). წარმოების წლიური კლება თბოელექტროსადგურების (-27%) და ქარის (-13) სადგურების გამომუშავების კლებამ განაპირობა, მაშინ როცა ჰიდროელექტროსადგურების (+1%) გამომუშავება გაიზარდა.

თვიურ ჭრილში, წარმოება, დაახლოებით, 4%-ით შემცირდა (2023 წლის ოქტომბერში სრული წარმოება 1,043 მილიონ კილოვატსაათს გაუტოლდა). წარმოების თვიდან თვემდე შემცირება თბო (-15%) და ქარის (-10%) სადგურების გამომუშავების შემცირებამ გამოიწვია, მაშინ როცა ჰიდროელექტროსადგურების (+4%) გამომუშავება გაიზარდა.

ელექტროენერგიის მოხმარებამ ადგილობრივ ბაზარზე 1,034 მილიონი კილოვატსაათი შეადგინა (8%-ით ნაკლები 2022 წლის ნოემბერთან შედარებით და 5%-ით მეტი 2023 წლის ოქტომბერთან შედარებით). 2023 წლის ნოემბერში ენერგიის მოხმარებამ წარმოებას 30 მილიონი კილოვატსაათით გადააჭარბა, რაც სრული წარმოების 3%-სა და სრული მოხმარების 3%-ს შეადგენდა (2022 წლის ნოემბერში წარმოებასა და მოხმარებას შორის სხვაობამ 6 მილიონი კილოვატსაათიანი სიჭარბე შეადგინა, რაც თვის განმავლობაში, როგორც სრული წარმოების, ასევე, სრული მოხმარების დაახლოებით 1%-ს გაუტოლდა).

თეგები: #ინდექსი, #ელექტროენერგია, #ენერგეტიკა, #ჰიდროენერგია, #თბოენერგია, #ქარის ენერგია,

ინდექსები

იხილეთ პუბლიკაცია

მსგავსი ინდექსები