ოქტომბერი 2022 | ელექტროენერგიის ბაზრის მიმოხილვა

ინდექსები

მთავარი ინდექსები ელექტროენერგიის ბაზრის მიმოხილვა

05 დეკემბერი 2022

2022 წლის ოქტომბერში საქართველოს ელექტროსადგურებმა ჯამში 1,034 მილიონი კილოვატსაათი ელექტროენერგია გამოიმუშავა. აღნიშნული მაჩვენებელი, წინა წელთან შედარებით, სრული წარმოების 13%-იან კლებას წარმოადგენს (2021 წლის ოქტომბერში სრული წარმოება 1,192 მილიონი კილოვატსაათი იყო). წარმოების წლიური კლება თბოელექტროსადგურების (-25%) ქარის ელექტროსადგურებისა (-17%) და ჰიდროელექტროსადგურების (-11%) გამომუშავების კლებამ განაპირობა.

თვიურ ჭრილში, წარმოება, დაახლოებით, 13%-ით შემცირდა (2022 წლის სექტემბერში სრული წარმოება 1,194 მილიონ კილოვატსაათს გაუტოლდა). წარმოების თვიდან თვემდე კლება თბოელექტროსადგურების გამომუშავების კლებამ გამოიწვია (-51%). ქარის ელექტროსადგურების (+6%) გამომუშავება გაიზარდა, ხოლო ჰიდროელექტროსადგურების გამომუშავება იმავე დონეზე შენარჩუნდა.

ელექტროენერგიის მოხმარებამ ადგილობრივ ბაზარზე 1,078 მილიონი კილოვატსაათი შეადგინა (6%-ით ნაკლები 2021 წლის ოქტომბერთან შედარებით და 3%-ით მეტი 2022 წლის სექტემბერთან შედარებით). 2022 წლის ოქტომბერში ენერგიის წარმოებამ მოხმარებას 44 მილიონი კილოვატსაათით გადააჭარბა, რაც სრული წარმოების 4%-ს და სრული მოხმარების 4%-ს შეადგენდა (2021 წლის ოქტომბერში წარმოებასა და მოხმარებას შორის დადებითმა სხვაობამ 44 მილიონი კილოვატსაათი შეადგინა, რაც თვის განმავლობაში სრული წარმოების დაახლოებით 4%-ს და სრული მოხმარების 4%-ს გაუტოლდა).

თეგები: #ენერგეტიკა, #ელექტროენერგია, #ჰიდროენერგია, #თბოენერგია, #ქარის ენერგია,

ინდექსები

იხილეთ პუბლიკაცია

მსგავსი ინდექსები