იანვარი 2022 | ელექტროენერგიის ბაზრის მიმოხილვა

ინდექსები

მთავარი ინდექსები ელექტროენერგიის ბაზრის მიმოხილვა

28 თებერვალი 2022

2022 წლის იანვარში საქართველოს ელექტროსადგურებმა ჯამში 1025 მილიონი კილოვატსაათი ელექტროენერგია გამოიმუშავა (დიაგრამა 1). აღნიშნული მაჩვენებელი, წინა წელთან შედარებით, სრული წარმოების 27%-იან ზრდას წარმოადგენს (2021 წლის იანვარში სრული წარმოება 808 მილიონი კილოვატსაათი იყო). წარმოების ყოველწლიური ზრდა ჰიდროელექტროსადგურების (11%), თბოელექტროსადგურების (49%) და ქარის ენერგიის (30%) წარმოების ზრდამ განაპირობა.

თვიური გამოთვლებით წარმოება, დაახლოებით, 14%-ით შემცირდა (2021 წლის დეკემბერში სრული წარმოება 1193 მილიონ კილოვატსაათს გაუტოლდა) (დიაგრამა 1). წარმოების ყოველთვიური კლება ჰიდროელექტროენერგიის წარმოების 26%-ით კლებამ განაპირობა, რაც ვერ კომპენსირდა თბო და ქარის ენერგიის წარმოების ზრდით. მათი წარმოება, შესაბამისად, 1%-ით და 23%-ით გაიზარდა.

ელექტროენერგიის მოხმარებამ ადგილობრივ ბაზარზე 1373 მილიონი კილოვატსაათი შეადგინა (16%-ით მეტი 2021 წლის იანვართან შედარებით და 2%-ით მეტი 2021 წლის დეკემბერთან შედარებით) (დიაგრამა 1). 2022 წლის იანვარში ენერგიის მოხმარებამ წარმოებას 349 მილიონი კილოვატსაათით გადააჭარბა, რაც სრული წარმოების 34%-ს შეადგენდა (2021 წლის იანვარში მოხმარებასა და წარმოებას შორის სხვაობამ 374 მილიონი კილოვატსაათი შეადგინა, რაც თვის განმავლობში სრული წარმოების დაახლოებით 46%-ს გაუტოლდა).

თეგები: #ელექტროენერგია, #ენერგეტიკა, #თბოენერგია, #ჰიდროენერგია, #ქარის ენერგია,

ინდექსები

იხილეთ პუბლიკაცია

მსგავსი ინდექსები