ინდექსები
ბიზნესის განწყობის ინდექსი: ბიზნესის განწყობა წლის ბოლოს გაიზარდა
27
ოქტომბერი
2025
2025 წლის IV კვარტლისთვის ბიზნესის განწყობის ინდექსი (BCI) 9.0 პუნქტით გაიზარდა და 7.5-ს გაუტოლდა. ბიზნესის განწყობის ყველაზე დიდი გაუმჯობესება სოფლის მეურნეობისა (21.1) და მშენებლობის (18.5) სექტორებში დაფიქსირდა. BCI-ის დადებითი ცვლილება ოპტიმისტურმა მოლოდინებმა და გაუმჯობესებულმა მიმდინარე მდგომარეობამ განაპირობა.
მიმდინარე მდგომარეობის ინდექსი, რომელიც კომპანიების მიერ გასული კვარტლის განმავლობაში საკუთარი კონომიკური მდგომარეობის შეფასებას ეყრდნობა, 2025 წლის III კვარტალთან შედარებით 19.5 პუნქტით გაიზარდა და 2025 წლის IV კვარტლისთვის 2.8-ს გაუტოლდა. მიმდინარე მდგომარეობის ყველაზე დიდი გაუმჯობესება მშენებლობისა (57.5) და სოფლის მეურნეობის (45.7) სექტორებში დაფიქსირდა.
ბიზნესის მოლოდინების ინდექსი, რომელიც გვიჩვენებს, რამდენად ოპტიმისტურად არის განწყობილი ბიზნეს სექტორი მომავლის მიმართ, 14.8 პუნქტამდე გაიზარდა. 2025 წლის IV კვარტლისთვის მოლოდინების საგრძნობი გაუმჯობესება საფინანსო (50.0) და მშენებლობის (22.5) სექტორებში დაფიქსირდა.
გასაყიდი ფასების მოლოდინების ინდექსი 3.1-ით შემცირდა და 19.0 პუნქტი შეადგინა. ეს მაჩვენებელი გვიჩვენებს, რომ ბიზნესების წილი, რომელიც მომდევნო სამ თვეში ვარაუდობს ფასის მატებას საკუთარ პროდუქტზე, მცირედით შემცირდა.
მსგავსი ინდექსები
ყველას ნახვა
ბიზნესის განწყობის ინდექსი: უარყოფითი განწყობა შენარჩუნებულია
25
ივლისი
2025
2025 წლის III კვარტლისთვის ბიზნესის განწყობის ინდექსი (BCI) 0.2 პუნქტით შემცირდა და -1.5-ს გაუტოლდა. ბიზნესის განწყობის ყველაზე დიდი გაუარესება საფინანსო (-19.5) სექტორში დაფიქსირდა. BCI-ის უარყოფითი ცვლილება პესიმისტურმა მოლოდინებმა და ასევე მცირედით გაუარესებულმა მიმდინარე მდგომარეობამ განაპირობა.
ბიზნესის განწყობის ინდექსი: ბიზნესის განწყობა უარყოფით ნიშნულზე ნარჩუნდება
25
აპრილი
2025
2025 წლის II კვარტლისთვის ბიზნესის განწყობის ინდექსი (BCI) 3.6 პუნქტით გაიზარდა და -1.3-ს გაუტოლდა. ბიზნესის განწყობის ყველაზე დიდი გაუმჯობესება მრეწველობის (+10.0) სექტორში დაფიქსირდა. BCI-ის დადებითი ცვლილება ოპტიმისტურმა მოლოდინებმა და ასევე მცირედით გაუმჯობესებულმა მიმდინარე მდგომარეობამ განაპირობა.
ბიზნესის განწყობის ინდექსი: ბიზნესის (ნეგატიური) განწყობა
24
იანვარი
2025
2025 წლის I კვარტლისთვის ბიზნესის განწყობის ინდექსი (BCI) 8.8 პუნქტით შემცირდა და -5.0-ს გაუტოლდა. ბიზნესის განწყობის ყველაზე დიდი გაუარესება მომსახურების (-21.5) სექტორში დაფიქსირდა. BCI-ის უარყოფითი ცვლილება გაუარესებულმა მიმდინარე მდგომარეობამ და პესიმისტურმა მოლოდინებმა განაპირობა.
ბიზნესის განწყობის ინდექსი: პესიმისტურად განწყობილი კერძო სექტორი
25
ოქტომბერი
2024
2024 წლის IV კვარტლისთვის ბიზნესის განწყობის ინდექსი (BCI) 9.7 პუნქტით შემცირდა და 3.8-ს გაუტოლდა. ბიზნესის განწყობის ყველაზე დიდი გაუარესება საფინანსო (-22.1) სექტორში დაფიქსირდა. BCI-ის უარყოფითი ცვლილება გაუარესებულმა მიმდინარე მდგომარეობამ და ნაკლებად პოზიტიურმა მოლოდინებმა განაპირობა.
ბიზნესის განწყობის ინდექსი: განწყობების გაუარესება გრძელდება
19
ივლისი
2024
2024 წლის III კვარტლისთვის ბიზნესის განწყობის ინდექსი (BCI) 2.8 პუნქტით შემცირდა და 13.6-ს გაუტოლდა. ბიზნესის განწყობის ყველაზე დიდი გაუარესება მშენებლობის (-12.5) სექტორში დაფიქსირდა. BCI-ის უარყოფითი ცვლილება ნაკლებად პოზიტიურმა მოლოდინებმა განაპირობა.
