გლობალური ეკონომიკის მდგომარეობა კვლავ არასტაბილურია. ეს განპირობებულია პანდემიით გამოწვეული ნეგატიური მოვლენებით, რუსეთის მიერ უკრაინაში შეჭრით, ინფლაციის მაღალი მაჩვენებლით და გამკაცრებული მონეტარული პოლიტიკით. მიუხედავად იმისა, რომ წლის დასაწყისში გლობალური ეკონომიკური მაჩვენებლები დამაკმაყოფილებელი იყო, ვითარების გაუარესება არის მოსალოდნელი. მართალია, წამყვანი ეკონომიკის მქონე ქვეყნები მოსალოდნელზე მეტ ზრდას აჩვენებენ, თუმცა შესაძლოა 2023 წელს გლობალური ეკონომიკური აქტივობა (ტემპის ზრდა) შენელდეს. მიუხედავად ჩინეთის სწრაფი გახსნისა და აშშ-ში არსებული გაზრდილი მოხმარებისა, მაშინ, როცა ჩინეთში მდგომარეობის აღდგენა არის პროგნოზირებული, მოწინავე ეკონომიკის ქვეყნებში ეკონომიკური ზრდის ტემპმა შესაძლოა დაიწიოს. 2022 წელს დაფიქსირებული 3,4%-დან გლობალური გამოშვების ზრდის მაჩვენებელი 2023 წელს 2,8%-მდე შემცირდება. ეს 2001 წლის შემდეგ ყველაზე დაბალი ზრდის მაჩვენებელია (2008 წლის გლობალური ფინანსური კრიზისის და COVID-19-ის პანდემიის კრიტიკული ფაზის შემდეგ) (სსფ, აპრილი 2023).
აღნიშნული გლობალური გამოწვევები საქართველოსა და სამხრეთ კავკასიასაც შეეხო. 2023 წელს საქართველოს მეზობელ ქვეყნებში პროგნოზირებულია ეკონომიკური ზრდის მაჩვენებლის ზომიერი ან მცირედი ზრდა: სომხეთში (+5,5 პპ), აზერბაიჯანში (+3 პპ), და თურქეთში (+2,7 პპ). გასაკვირი, მაგრამ მოსალოდნელია, რომ მცირედით გაიზრდება რუსეთის ეკონომიკური ზრდის მაჩვენებელიც (+0,7% პპ). 2022 წელს დაფიქსირებული 4%-იანი ზრდის შემდეგ, მოსალოდნელია, რომ 3,9%-ით გაიზრდება წარმოების მოცულობა განვითარებადი ეკონომიკის მქონე ქვეყნებში (EMDEs).
02
ოქტომბერი
2024
საქსტატის წინასწარი შეფასების თანახმად, 2024 წლის მეორე კვარტალში საქართველოს ნომინალური მშპ 22,101.7 მლნ ლარს შეადგენდა, მშპ-ის ზრდის წლიური მაჩვენებელი 9.6%, ხოლო მშპ-ის დეფლატორი – 2.5% იყო. ეს ზრდა სხვადასხვა სექტორში დამატებული ღირებულების მნიშვნელოვანი ზრდით იყო განპირობებული: მასპინძლობასთან და კვებით სექტორთან დაკავშირებული საქმიანობა გაიზარდა 35.7%-ით, განათლება – 21.3%-ით, შინასამეურნეო საქმიანობა, როგორიცაა დამსაქმებლებისა და მწარმოებლების მიერ პირადი მოხმარებისათვის საქონლის წამოება და მომსახურებების გაწევა – 17.3%-ით, ტრანსპორტირება და სასაწყობო საქმიანობა – 16.1%-ით, საჯარო ადმინისტრირება და თავდაცვა, მათ შორის სოციალური უსაფრთხოება – 13.3%-ით, მშენებლობა – 13%-ით.
28
ივნისი
2024
საქსტატის წინასწარი შეფასების თანახმად, 2024 წლის პირველ კვარტალში საქართველოს ნომინალური მშპ 18,913.2 მილიონ ლარს შეადგენდა, რეალური მშპ-ის ზრდის წლიური მაჩვენებელი 8.4%, ხოლო მშპ-ის დეფლატორის ცვლილება 3.1% იყო.
01
აპრილი
2024
2022 წლის მსგავსად, COVID-19-ის პანდემიის შემდეგ, საქართველოს ეკონომიკა 2023 წელსაც აღდგენის პროცესში იყო. საქსტატის წინასწარი შეფასების თანახმად, რეალური მშპ-ის მაჩვენებელი კვლავ შედარებით სწრაფი ტემპით იზრდება და მან 2023 წელს 7,5% შეადგინა, რაც მნიშვნელოვნად აღემატება საქართველოს ეროვნული ბანკის მიერ 2023 წლის ოქტომბერში პროგნოზირებულ 6%-ს.
29
დეკემბერი
2023
კოვიდ-19-ის პანდემიისა და რუსეთის უკრაინაში შეჭრის შედეგად არსებული მძიმე სიტუაცია ნელი, არათანაბარი ტემპით უმჯობესდება. მიუხედავად იმისა, რომ წლის დასაწყისში შეინიშნებოდა ეკონომიკური სტაბილურობა, რაც ეკონომიკის აღდგენით და ინფლაციის შესამცირებლად გაღებული ძალისხმევით გამოიხატა, სიხარული ჯერ მაინც ნაადრევია – ეკონომიკური აქტივობა ჯერ კიდევ არ დაბრუნებია პანდემიამდე არსებულ მაჩვენებელს, განსაკუთრებით, განვითარებადი ბაზრისა და ეკონომიკის მქონე ქვეყნებში, განსხვავება რეგიონებში დაფიქსირებულ მაჩვენებლებს შორის კი იზრდება.
23
ოქტომბერი
2023
2023 და 2024 წლებში მოსალოდნელია გლობალური ეკონომიკური ზრდის მაჩვენებლის 3,0%-მდე შემცირება 2022 წელს არსებული 3,5%-დან. საერთაშორისო სავალუტო ფონდის (სსფ) 2023 წლის აპრილის პროგნოზებთან შედარებით, 2023 წელს მოსალოდნელია ზრდის მაჩვენებლის 0,2 პროცენტული პუნქტით ზრდა, 2024 წლის პროგნოზი კი უცვლელია.
