ინდექსები
იანვარი 2025 | ხაჭაპურის ინდექსი 0.2%-ით შემცირდა
30
იანვარი
2025
2025 წლის იანვარში ერთი სტანდარტული იმერული ხაჭაპურის მომზადების საშუალო ღირებულება ქალაქების მიხედვით 6.71 ლარსა (ბათუმში) და 7.94 ლარს (თელავში) შორის მერყეობდა, საშუალო მაჩვენებელმა კი 7.02 ლარი შეადგინა. იანვრის ინდექსმა აჩვენა მცირე, 0.2%-იანი კლება 2024 წლის დეკემბერთან შედარებით. თუმცა, წლიურ ჭრილში, მიმდინარე ფასი 6.1%-ით მაღალია 2024 წლის იანვრის მაჩვენებელზე.
ცალკეული ინგრედიენტების უფრო დეტალური ანალიზი გვიჩვენებს, რომ მათმა უმეტესობამ წლიური ინფლაცია განიცადა: კარაქი (+15.1%), ყველი (+9.5%), საფუარი (+4.5%) და რძე (+1.3%). თუმცა, ამავე პერიოდში კვერცხის (-6.5%) და ფქვილის (-0.2%) ფასებმა კლება აჩვენა.
ყველაზე მნიშვნელოვანი ცვლილება, რითაც ხაჭაპურის ინდექსის მცირედი ვარდნა აიხსნება, არის თვიურ ჭრილში ფქვილის ფასების 3.9%-იანი შემცირება. აღსანიშნავია, რომ გლობალურ ბაზარზე ხორბლის ფასი ოქტომბრიდან მცირდება, მსოფლიოში რეკორდული მოსავლის გამო. საერთაშორისო ფასების ცვლილებების ადგილობრივ ბაზრებზე ასახვისთვის საჭირო დროის გათვალისწინებით, ფასის აღნიშნული ვარდნა მოსალოდნელი იყო. ამასთან, საახალწლო სეზონის პიკის შემდეგ, იანვარში, ხაჭაპურის ინგრედიენტების უმეტესობამ მცირედი დეფლაცია განიცადა, გამონაკლისს კარაქი (+3.1%) და კვერცხი (+4.3%) წარმოადგენდა.
მსგავსი ინდექსები
ყველას ნახვა
დეკემბერი 2024 | ხაჭაპურის ინდექსი ბოლო ათი წლის განმავლობაში
30
დეკემბერი
2024
2024 წლის დეკემბერში ერთი სტანდარტული იმერული ხაჭაპურის მომზადების საშუალო ღირებულებამ 7,03 ლარი შეადგინა, რაც 2024 წლის ნოემბერთან შედარებით 3,8%-იანი, ხოლო 2023 წლის დეკემბერთან შედარებით შესამჩნევი – 8,4%-იანი ზრდაა.
ნოემბერი 2024 | ხაჭაპურის ინდექსი 2%-ით გაიზარდა
28
ნოემბერი
2024
2024 წლის ნოემბერში ერთი სტანდარტული იმერული ხაჭაპურის მომზადების საშუალო ღირებულებამ 6.77 ლარი შეადგინა, რაც გასულ თვესთან შედარებით 2%-იანი, ხოლო 2023 წლის ნოემბერთან შედარებით 4.8%-იანი ზრდაა. ხაჭაპურის ინდექსის აღნიშნული ცვლილება ძირითადად გამოწვეულია რძისა და რძის პროდუქტების ფასების მატებით, რაც თავის მხრივ ნედლი რძის ხელმისაწვდომობის სეზონურ შემცირებასა და რძის ფხვნილის იმპორტზე გაზრდილ დამოკიდებულებას უკავშირდება.
ოქტომბერი 2024 | ხაჭაპურის ინდექსის ზრდის ტენდენცია გრძელდება
30
ოქტომბერი
2024
2024 წლის ოქტომბერში ერთი სტანდარტული იმერული ხაჭაპურის მომზადების ღირებულებამ 6.62 ლარი შეადგინა, რაც 2024 წლის სექტემბერთან შედარებით 2%-იანი, ხოლო 2023 წლის ოქტომბერთან შედარებით 8%-იანი ზრდაა.
სექტემბერი 2024 | ხაჭაპურის ინდექსის სეზონური ზრდა დაიწყო
30
სექტემბერი
2024
2024 წლის სექტემბერში ერთი სტანდარტული იმერული ხაჭაპურის მომზადების საშუალო ღირებულებამ 6.48 ლარი შეადგინა. აგვისტო-სექტემბერის განმავლობაში ხაჭაპურის ინდექსმა ზრდის ტენდენცია აჩვენა, როცა ინდექსი სექტემბერში, ივლისთან შედარებით 13%-ით გაიზარდა. ეს ზრდა მეტწილად ყველის გაძვირებამ გამოიწვია, რომლის ფასიც ბოლო სამი თვის (2024 წლის ივლის-სექტემბერი) განმავლობაში 22%-ით გაიზარდა.
ივლისი 2024 | ხაჭაპურის ინდექსი 2.9%-ით დაეცა
28
ივლისი
2024
2024 წლის ივლისში ერთი სტანდარტული იმერული ხაჭაპურის მომზადების საშუალო ღირებულებამ 5.78 ლარი შეადგინა, რაც 2.9%-ით ნაკლებია წინა თვესთან (ივნისთან) შედარებით. წლიურ ჭრილში, 2023 წლის ივლისთან შედარებით, კი ინდექსის ღირებულება თითქმის უცვლელი დარჩა და უმნიშვნელოდ, 0.04%-ით დაეცა.
