ინდექსები
ნოემბერი 2025 | ხაჭაპურის ინდექსი 2.3%-ით გაიზარდა
28
ნოემბერი
2025
2025 წლის ნოემბერში ერთი სტანდარტული იმერული ხაჭაპურის მომზადების საშუალო ღირებულება 7.47 ლარამდე გაიზარდა, რაც 2025 წლის ოქტომბერთან შედარებით 2.3%-იან, ხოლო წლიურ ჭრილში 10.3%-იან ზრდას წარმოადგენს. ხაჭაპურის ინდექსის სეზონური ზრდა ძირითადად რძისა და რძის პროდუქტების ფასების მატებამ განაპირობა, რაც ნედლი რძის სეზონური ხელმისაწვდომობის შემცირებასა და იმპორტირებულ რძის ფხვნილზე მზარდ დამოკიდებულებას ასახავს.
ნოემბერში ხაჭაპურის ინგრედიენტების უმეტესობის ფასები თვიურ ჭრილში ზომიერად გაიზარდა. ყველაზე შესამჩნევი ზრდა კვერცხზე დაფიქსირდა, რომლის ფასი 2025 წლის ოქტომბერთან შედარებით 6.4%-ით გაიზარდა. ეს ზრდა რამდენიმე ფაქტორმა განაპირობა: კვერცხის იმპორტის შემცირება, აპრილ-მაისში სანაშენე ფრინველის იმპორტზე დროებითი შეზღუდვები და ნოემბერში სეზონისთვის უჩვეულოდ თბილი ტემპერატურა, რამაც ფრინველის სეზონური დაავადებების გავრცელებას შეუწყო ხელი.
წლიურ ჭრილში ინგრედიენტების ფასები მნიშვნელოვნად გაიზარდა. კარაქის ფასმა 13.6%-ით მოიმატა, მას მოჰყვება ყველი (13.2%), ფქვილი (12.1%) და კვერცხი (9.8%). ამის საპირისპიროდ, ფასები შემცირდა შემდეგ ინგრედიენტებზე: საფუარი – 9.3%-ით, რძე – 4%-ით.
მომავალში, ახალი წლის დღესასწაულთან დაკავშირებული მოთხოვნის ზრდა და ზამთრის პერიოდში მიწოდების შეზღუდვები, სავარაუდოდ, დამატებითი წნეხი იქნება და ძირითადი სასურსათო პროდუქტების ფასების ზრდას უნდა ველოდოთ.
მსგავსი ინდექსები
ყველას ნახვა
დეკემბერი 2025 | ხაჭაპურის ინდექსის ათი წლის დინამიკა
30
დეკემბერი
2025
2025 წლის დეკემბერში ერთი სტანდარტული იმერული ხაჭაპურის მომზადების საშუალო ღირებულება 7.86 ლარამდე გაიზარდა, რაც 2025 წლის ნოემბერთან შედარებით 5.2%-იან, ხოლო 2024 წლის დეკემბერთან შედარებით მნიშვნელოვან, 11.8%-იან ზრდას წარმოადგენს.
ოქტომბერი 2025 | ხაჭაპურის ინდექსის ზრდის ტენდენცია გრძელდება
31
ოქტომბერი
2025
2025 წლის ოქტომბერში ერთი სტანდარტული იმერული ხაჭაპურის მომზადების ღირებულებამ 7.3 ლარი შეადგინა, რაც 3.5%-იანი ზრდაა 2025 წლის სექტემბერთან შედარებით და 10.3%-იანი ზრდა 2024 წლის ოქტომბერთან შედარებით.
სექტემბერი 2025 | ხაჭაპურის ინდექსი მესამე თვეა იზრდება
30
სექტემბერი
2025
2025 წლის სექტემბერში ერთი სტანდარტული იმერული ხაჭაპურის მომზადების საშუალო ღირებულებამ 7.05 ლარი შეადგინა. 2025 წლის ივლისიდან მოყოლებული, ხაჭაპურის ინდექსი ზრდის ტენდენციას ავლენს – სექტემბერში ფასი 12.3%-ით გაიზარდა 2025 წლის ივნისთან შედარებით. თვიურ ჭრილში ხაჭაპურის ინდექსის ზრდის მთავარი განმაპირობებელი ფაქტორი იყო ყველის 16.1%-იანი გაძვირება ამავე პერიოდში.
აგვისტო 2025 | ხაჭაპურის ინდექსის ზრდის ტენდენცია გრძელდება
29
აგვისტო
2025
2025 წლის აგვისტოში ერთი სტანდარტული იმერული ხაჭაპურის მომზადების საშუალო ღირებულებამ 6.76 ლარი შეადგინა, რაც 2025 წლის ივლისთან შედარებით 5.8%-იანი ზრდაა. წლიურ ჭრილში – 2024 წლის აგვისტოსთან შედარებით – ფასი 9.8%-ით გაიზარდა.
ივლისი 2025 | ხაჭაპურის ინდექსში სეზონური ზრდა იწყება
31
ივლისი
2025
2025 წლის ივლისში ერთი სტანდარტული იმერული ხაჭაპურის მომზადების საშუალო ღირებულებამ 6.39 ლარი შეადგინა, რაც 2025 წლის ივნისთან შედარებით 1.7%-იანი ზრდაა. წლიურ ჭრილში, 2024 წლის ივლისთან შედარებით, ფასი 10.4%-ით გაიზარდა, რაც იმაზე მიუთითებს, რომ საკვები პროდუქტების ფასები მნიშვნელოვნად იზრდება.
