ინდექსები
ხაჭაპურის ინდექსის სპეციალური გამოშვება: ახალი წლის სუფრის ინდექსი – 20 დეკემბერი
19
დეკემბერი
2015
ახალი წელი კარს მოგვადგა და ქართველმა დიასახლისებმაც დაიწყეს სადღესასწაულო ფუსფუსი. ვემზადებით ჩვენც. ამჯერად ჩვენი მკითხველებისთვის განსაკუთრებული კერძი მოვამზადეთ – ახალი წლის სუფრის ინდექსი! ჩვენ მიერ მომზადებულ ქართული სუფრის რუკაზე წარმოდგენილია 5-6 სულიანი ოჯახის სტანდარტული საახალწლო კერძების ფასები (ლარებში) საქართველოს თითოეულ რეგიონში. ჩვენ დავითვალეთ ფასები ისეთი ტრადიციული საახალწლო კერძებისთვის, როგორიცაა ხაჭაპური, მწვადი, საცივი, კალმახი, შემწვარი დედალი, ოლივიეს სალათი, ფხალეული, კიტრისა და პომიდვრის სალათი, დესერტებიდან კი გოზინაყი და ხილი.
ინდექსმა აჩვენა, რომ საახალწლო სუფრა ყველაზე იაფი შიდა ქართლშია (123.1 ლარი), ყველაზე ძვირი – აჭარაში (159.7 ლარი). ალბათ, ყველაზე მოულოდნელი ის არის, რომ ყველაზე მნიშვნელოვანი და ძვირადღირებული ინგრედიენტი საახალწლო სუფრაზე არის ნიგოზი. წლის ამ დროს 1 კგ. ნიგვზის ფასი 15.8 ლარიდან 27.5 ლარამდე მერყეობს.
ISET-ის კვლევითი ინსტიტუტი და ჩვენი გუნდი გილოცავთ დამდეგ შობა-ახალ წელს!
მსგავსი ინდექსები
ყველას ნახვა
ნოემბერი 2025 | ხაჭაპურის ინდექსი 2.3%-ით გაიზარდა
28
ნოემბერი
2025
2025 წლის ნოემბერში ერთი სტანდარტული იმერული ხაჭაპურის მომზადების საშუალო ღირებულება 7.47 ლარამდე გაიზარდა, რაც 2025 წლის ოქტომბერთან შედარებით 2.3%-იან, ხოლო წლიურ ჭრილში 10.3%-იან ზრდას წარმოადგენს. ხაჭაპურის ინდექსის სეზონური ზრდა ძირითადად რძისა და რძის პროდუქტების ფასების მატებამ განაპირობა, რაც ნედლი რძის სეზონური ხელმისაწვდომობის შემცირებასა და იმპორტირებულ რძის ფხვნილზე მზარდ დამოკიდებულებას ასახავს.
ოქტომბერი 2025 | ხაჭაპურის ინდექსის ზრდის ტენდენცია გრძელდება
31
ოქტომბერი
2025
2025 წლის ოქტომბერში ერთი სტანდარტული იმერული ხაჭაპურის მომზადების ღირებულებამ 7.3 ლარი შეადგინა, რაც 3.5%-იანი ზრდაა 2025 წლის სექტემბერთან შედარებით და 10.3%-იანი ზრდა 2024 წლის ოქტომბერთან შედარებით.
სექტემბერი 2025 | ხაჭაპურის ინდექსი მესამე თვეა იზრდება
30
სექტემბერი
2025
2025 წლის სექტემბერში ერთი სტანდარტული იმერული ხაჭაპურის მომზადების საშუალო ღირებულებამ 7.05 ლარი შეადგინა. 2025 წლის ივლისიდან მოყოლებული, ხაჭაპურის ინდექსი ზრდის ტენდენციას ავლენს – სექტემბერში ფასი 12.3%-ით გაიზარდა 2025 წლის ივნისთან შედარებით. თვიურ ჭრილში ხაჭაპურის ინდექსის ზრდის მთავარი განმაპირობებელი ფაქტორი იყო ყველის 16.1%-იანი გაძვირება ამავე პერიოდში.
აგვისტო 2025 | ხაჭაპურის ინდექსის ზრდის ტენდენცია გრძელდება
29
აგვისტო
2025
2025 წლის აგვისტოში ერთი სტანდარტული იმერული ხაჭაპურის მომზადების საშუალო ღირებულებამ 6.76 ლარი შეადგინა, რაც 2025 წლის ივლისთან შედარებით 5.8%-იანი ზრდაა. წლიურ ჭრილში – 2024 წლის აგვისტოსთან შედარებით – ფასი 9.8%-ით გაიზარდა.
ივლისი 2025 | ხაჭაპურის ინდექსში სეზონური ზრდა იწყება
31
ივლისი
2025
2025 წლის ივლისში ერთი სტანდარტული იმერული ხაჭაპურის მომზადების საშუალო ღირებულებამ 6.39 ლარი შეადგინა, რაც 2025 წლის ივნისთან შედარებით 1.7%-იანი ზრდაა. წლიურ ჭრილში, 2024 წლის ივლისთან შედარებით, ფასი 10.4%-ით გაიზარდა, რაც იმაზე მიუთითებს, რომ საკვები პროდუქტების ფასები მნიშვნელოვნად იზრდება.
