ინდექსები
31 დეკემბერი, 2018 | ახალი წლის სუფრის ინდექსი – 2018!
31
დეკემბერი
2018
ახალი წელი ახლოვდება და ქართულ ოჯახები უკვე ემზადებიან წლის დამაგვირგვინებელი დღესასწაულისთვის. ამ სამზადისს არც ISET-ის კვლევითი ინსტიტუტი ჩამორჩება. ჩვენ ვაგრძელებთ ტრადიციას და ჩვენს მკითხველს ხაჭაპურის ინდექსის სპეციალურ, „ახალი წლის სუფრის ინდექსს“ ვთავაზობთ. ინდექსი აჩვენებს, რა უჯდებათ 5-6-სულიან ქართულ ოჯახებს საქართველოს სხვადასხვა რეგიონში ტრადიციული საახალწლო სუფრის კერძების მომზადება. ჩვენს სუფრაში შედის ისეთი ტრადიციული კერძები, როგორიცაა ხაჭაპური, მწვადი, საცივი, კალმახი, შემწვარი ქათამი, სალათი ოლივიე, ფხალეული, კიტრი-პომიდვრის სალათი, გოზინაყი და ხილი.
აღმოჩნდა, რომ 2018 წლის დეკემბერში ახალი წლის სუფრის მომზადება ოჯახს საშუალოდ 149.9 ლარი დაუჯდება, რაც 2017 წლის დეკემბერთან შედარებით 8%-ით ნაკლებია. აღსანიშნავია, რომ 2017 წელთან შედარებით, ახალი წლის სუფრა 2018 წელს შედარებით იაფია საქართველოს ყველა რეგიონში. იგივეს თქმა შეგვიძლია ახალი წლის სუფრის მთავარ ინგრედიენტზე - კაკალზე. წლის ამ დროს 1 კგ. ნიგვზის ფასი საშუალოდ 21.4 ლარი იყო, რაც 15%-ით ნაკლებია 2017 წლის იმავე პერიოდის მაჩვენებელზე, როდესაც 1 კგ. ნიგოზი საშუალოდ 25.3 ლარი ღირდა.
ინდექსის მაჩვენებელი ყველაზე დაბალი გურიაში (135.4 ლარი), ყველაზე მაღალი კი იმერეთშია (159.5 ლარი).
ცხრილი 1. ქართული საახალწლო სუფრის ღირებულება (ლარში)
| რეგიონი | 2017 | 2018 | % Change |
| აჭარა | 166.1 | 153.4 | -7.6% |
| გურია | 144.1 | 135.4 | -6.0% |
| იმერეთი | 170.1 | 159.5 | -6.2% |
| კახეთი | 154.3 | 145.3 | -5.8% |
| ქვემო ქართლი | 163.1 | 151.1 | -7.3% |
| მცხეთა-მთიანეთი | 168.7 | 155.1 | -8.1% |
| რაჭა-ლეჩხუმი და ქვემო სვაენთი | 162.8 | 154.7 | -4.9% |
| სამცხე-ჯავახეთი | 160.4 | 151.2 | -5.8% |
| სამეგრელო-ზემო სვანეთი | 159.6 | 145.8 | -8.7% |
| შიდა ქართლი | 166.8 | 142.3 | -14.7% |
წყარო: საქართველოს გარემოს დაცვისა და სოფლის მეურნეობის სამინისტროს მიერ AGRIndex-ისთვის მომზადებული მონაცემები.
როგორც ცხრილიდან ვხედავთ, წინა წელთან შედარებით, საახალწლო სუფრის ფასი საქართველოს ყველა რეგიონში დაეცა. ყველაზე დიდი განსხვავება გვაქვს შიდა ქართლში, სადაც ახალი წლის სუფრა 2017 წელთან შედარებით 15%-ით იაფია.
ISET-ის კვლევითი ინსტიტუტი და ხაჭაპურის ინდექსის გუნდი გილოცავთ დამდეგ შობა-ახალ წელს!
მსგავსი ინდექსები
ყველას ნახვა
მარტი 2024 | ხაჭაპურის ინდექსის სეზონური კლება დაიწყო
01
აპრილი
2024
2024 წლის მარტში ერთი სტანდარტული იმერული ხაჭაპურის მომზადების საშუალო ღირებულებამ 6.40 ლარი შეადგინა. ინდექსი წლიურად (2023 წლის მარტთან შედარებით) 1.8%-ით, თვიურ ჭრილში (2024 წლის თებერვალთან შედარებით) კი 6.4%-ით არის შემცირებული.
თებერვალი 2024 | ხაჭაპურის ინდექსი 3.3%-ით გაიზარდა
04
მარტი
2024
2024 წლის თებერვალში ერთი სტანდარტული იმერული ხაჭაპურის მომზადების საშუალო ღირებულებამ 6.83 ლარი შეადგინა, რაც 3.3%-ით აღემატება წინა თვის მაჩვენებელს. თუმცა წლიურ ჭრილში თუ შევხედავთ, 2023 წლის თებერვალთან შედარებით ინდექსი 1.5%-ით შემცირდა.
იანვარი 2024 | ხაჭაპურის ინდექსი ზრდას განაგრძობს
29
იანვარი
2024
2024 წლის იანვარში ერთი სტანდარტული იმერული ხაჭაპურის მომზადების ღირებულება გაიზარდა და ქალაქების მიხედვით 6.40 (ბათუმი) და 7.11 (თბილისი) ლარს შორის მერყეობს, საშუალო ღირებულებამ კი 6.62 ლარი შეადგინა. იანვრის ინდექსი 2%-ით აღემატება 2023 წლის დეკემბრის მაჩვენებელს. წლიურ ჭრილში კი, 2023 წლის იანვართან შედარებით, ხაჭაპურის ინდექსის ღირებულება 4.6%-ით არის შემცირებული.
დეკემბერი 2023 | ხაჭაპურის ინდექსი ბოლო ათი წლის განმავლობაში
28
დეკემბერი
2023
2023 წლის დეკემბერში ერთი სტანდარტული იმერული ხაჭაპურის მომზადების ღირებულება მცირედით გაიზარდა და 6.48 ლარი შეადგინა. აღსანიშნავია, რომ წინა თვესთან შედარებით ინდექსი 0.2%-ით გაიზარდა, წლიურ ჭრილში (2022 წლის დეკემბერთან შედარებით) კი მნიშვნელოვნად, 7.3%-ით არის შემცირებული.
ნოემბერი 2023 | ხაჭაპურის ინდექსი 5.5%-ით გაიზარდა
27
ნოემბერი
2023
2023 წლის ნოემბერში ერთი სტანდარტული იმერული ხაჭაპურის მომზადების საშუალო ღირებულება გაიზარდა და 6.47 ლარი შეადგინა. თვიურ ჭრილში (2023 წლის ოქტომბერთან შედარებით) ინდექსი 5.5%-ით გაიზარდა, თუმცა წლიურად (2022 წლის ნოემბერთან შედარებით) 6.9%-ით შემცირდა.
