01
ივლისი
2025
საქსტატის წინასწარი შეფასების მიხედვით, 2025 წლის პირველ კვარტალში საქართველოს ნომინალურმა მშპ-მა 21,798.2 მლნ ლარი შეადგინა, რეალური მშპ-ის წლიურმა ზრდამ – 9.8%, ხოლო მშპ-ის დეფლატორის ცვლილებამ – 3.4%. ეკონომიკური ექსპანსია მეტწილად რამდენიმე სექტორის ძლიერმა ზრდამ განაპირობა. ყველაზე მნიშვნელოვანი ზრდა დაფიქსირდა შემდეგ სექტორებში: განათლება (+27.7%), ინფორმაცია და კომუნიკაცია (+28.5%), ადმინისტრაციული და დამხმარე საქმიანობები (29.7%), ჯანდაცვა და სოციალური სფერო (17.9%).
30
ივნისი
2025
2025 წლის ივნისში ერთი სტანდარტული იმერული ხაჭაპურის მომზადების საშუალო ღირებულებამ 6.28 ლარი შეადგინა. ხაჭაპურის ინდექსის კლების ტენდენცია უკვე მეოთხე თვეა გრძელდება. თუმცა წლიურ ჭრილში საშუალო ფასი მაინც 4.7%-ით მაღალი იყო, ვიდრე 2024 წლის ივნისში.
30
ივნისი
2025
2025 წლის ივნისში საქართველოს სტატისტიკის ეროვნულმა სამსახურმა გამოაქვეყნა სოფლის მეურნეობის სექტორის შესახებ წლიური პუბლიკაცია „საქართველოს სოფლის მეურნეობა 2024". ანგარიშის მიხედვით, სოფლის მეურნეობამ, სატყეო მეურნეობამ და თევზჭერამ 2024 წელს მშპ-ის 6.2% შეადგინა – ოდნავ ნაკლები წინა წლებთან შედარებით, თუმცა შეესაბამება ბოლო წლების ზოგად ტენდენციას, რომლის დროსაც სექტორის წილმა საშუალოდ 7-8% შეადგინა.
20
ივნისი
2025
ISET-ის კვლევითი ინსტიტუტის უახლესი პროგნოზის მიხედვით, მაისის მონაცემების საფუძველზე, 2025 წლის მეორე კვარტალში საქართველოს ეკონომიკა 8.2%-ით, ხოლო მესამე კვარტალში – 6.5%-ით გაიზრდება. 2025 წელს წლიური ზრდა, ცუდი სცენარის შემთხვევაში 6% იქნება, საუკეთესო და საშუალო გრძელვადიანი სცენარის შემთხვევაში – 7.6%. ჩვენი საშუალო სცენარით, ბოლო ოთხი კვარტლის საშუალო ზრდის საფუძველზე, რეალური მშპ 7.1%-ით გაიზრდება.
30
მაისი
2025
2025 წლის მაისში ერთი სტანდარტული იმერული ხაჭაპურის მომზადების საშუალო ღირებულება 6.46 ლარს შეადგენდა. ინდექსის კლების ტენდენცია მაისშიც გაგრძელდა და ფასი 5.6%-ით შემცირდა 2025 წლის აპრილთან შედარებით. თუმცა წლიურ ჭრილში მაინც 10.7%-ით მაღალი დარჩა 2024 წლის მაისთან შედარებით.
