ISET-ის კვლევითი ინსტიტუტის წამყვანმა ეკონომისტმა მარიამ ლობჯანიძემ მონაწილეობა მიიღო CAREC-ის მერვე ყოველწლიურ Think Tank Forum-ზე, რომელიც 2024 წლის 27-28 აგვისტოს ყაზახეთში, ალმატიში ჩატარდა. ცენტრალური აზიის რეგიონული ეკონომიკური თანამშრომლობის ინსტიტუტის (CI) მიერ ორგანიზებული ეს ყოველწლიური ღონისძიება წარმოადგენს პლატფორმას ქსელის წევრი ქვეყნების წარმომადგენლებს შორის ცოდნისა და მიღწევების გაზიარებისთვის.

6-10 მაისს, ISET-ის კვლევითი ინსტიტუტის წარმომადგენლები სამუშაო ვიზიტით ბრიუსელს ეწვივნენ. ვიზიტის მიზანი იყო ცოდნის ურთიერთგაცვლის ხელშეწყობა, კავშირების დამყარება და პოლიტიკის კვლევისა და განვითარების მიმართულებით წამყვანი ადგილობრივი კვლევითი ორგანიზაციებისგან სწავლა.

13 აპრილს ISET-ის კვლევითმა ინსტიტუტმა უმასპინძლა ღონისძიებას „ომი უკრაინაში: გამოწვევები, რისკები და გავლენა ქართულ ეკონომიკაზე“. ღონისძიებამ ერთ სივრცეში მოუყარა თავი კვლევით ორგანიზაციებს, ექსპერტებს, საჯარო და კერძო სექტორების ლიდერებსა და საერთაშორისო ორგანიზაციების წარმომადგენლებს. სასტუმრო რუმსში გამართულ ღონისძიებას 170 ადამიანი დაესწრო, ფეისბუქზე გასულ ლაივს კი 160 ადამიანი ადევნებდა თვალს.

ISET-ის კვლევითი ინსტიტუტი CAREC Think Tank Network-ის აქტიური წევრია. ორგანიზაციამ 23-24 ნოემბერს CAREC Think Tank განვითარების მეხუთე ფორუმს უმასპინძლა, რომელსაც CAREC-ის ინსტიტუტის, აზიის განვითარების ბანკის, სხვა საერთაშორისო ორგანიზაციებისა და რეგიონების წამყვანი კვლევითი ინსტიტუტების ლიდერები, ექსპერტები და აკადემიური სექტორის წარმომადგენლები ესწრებოდნენ, რათა ესაუბრათ ეკონომიკურ დერეფნებზე, როგორც ეკონომიკური ზრდისა და რეგიონული ინტეგრაციის მამოძრავებელზე.

გენდერული ზეგავლენის შეფასება (GIA) არის თანასწორობის ინსტრუმენტი, რომელიც ეხმარება სხვადასხვა პოლიტიკის, პროგრამისა და მომსახურების გენდერული ზეგავლენის შეფასებას. GIA უზრუნველყოფს ტექნიკურ ცოდნას, იმისათვის რომ გააძლიეროს საჯარო სექტორის, კვლევითი (ე.წ. think tanks) და საერთაშორისო განვითარების ორგანიზაციები, რათა მათ შეეძლოთ როგორც გენდერზე მორგებული, ასევე სამართლიანი პროგრამების შექმნა.