ქარსაფარ ზოლებს დადებითი ზეგავლენა აქვს მდგრადი განვითარების ეკონომიკური, სოციალური და გარემოს დაცვის მიმართულებით. მიუხედავად იმისა, რომ ქარსაფარი ზოლების დადებითი ზეგავლენა აღიარებულია დაინტერესებული მხარეების მიერ, საქართველოს მძიმე სოციალურ-ეკონომიკური პირობების გამო, ქარსაფარი ზოლების უმეტესობა დღეს განადგურებულია და საჭიროებს რეაბილიტაცია.

კვლევა თანახმად, სახელმწიფოს მხრიდან ჩარევა ქარსაფარი ზოლების საკითხის დარეგულირებაში აუცილებელია იმისათვის, რომ:

• მოხდეს ნიადაგის დაცვა ეროზიისგან;
• გაიზარდოს ნიადაგის ნაყოფიერება და შესაბამისად სოფლის მეურნეობის გამოშვება;
• მოხდეს ქარსაფარი ზოლების რეგულირება, რათა დაინტერესებულმა მხარეებმა იმუშაონ ამ სფეროში;
• შეიქმნას იურიდიული საფუძველი ჯარიმებისთვის ქარსაფარი ზოლების საზიანო აქტივობების შემთხვევაში;
• ნათლად განისაზღვროს დაინტერესებული მხარეების მოვალეობები და პასუხისმგებლობები;
• თავიდან იქნეს აცილებული ქარსაფარი ზოლების არამდგრადი მართვით მიღებული ცუდი გამოცდილება (მაგ., ხანძრები), რაც წარსულში ხდებოდა;
• მოხდეს ფინანსური სახსრების მოზიდვა დაინტერესებული მხარეებიდან (საჯარო და კერძო სექტორი, არასამთავრობო ორგანიზაციები, ა.შ.);
• მოხდეს ქარსაფარი ზოლების ოფიციალური დარეგისტრირება და მათ მიენიჭოს შესაბამისი სტატუსი, რასაც მოყვება ფერმერების მიერ ქარსაფარი ზოლების უფრო ეფექტური მართვა.