ინდექსები
ბიზნესის განწყობის ინდექსი: შესუსტებული ოპტიმიზმი გაუმჯობესებული მდგომარეობის ფონზე
09
სექტემბერი
2016
ბიზნესის განწყობის ინდექსი საქართველოში ერთი ერთეულით შემცირდა (2016 წლის მეორე კვარტალთან შედარებით). მიუხედავად ამისა, 25.0 პროცენტული პუნქტით იგი მნიშვნელოვნად მაღალია 2015 წლის მესამე კვარტალთან (14.8) შედარებით. მესამე კვარტალში ინდექსის შემცირება ძირითადად გამოწვეული იყო ბიზნესის მოლოდინების ინდექსის მნიშვნელოვანი შემცირებით.
გამოკითხული ბიზნესმენების 38% მიიჩნევს, რომ გასული სამი თვის განმავლობაში მათი ბიზნესის მდგომარეობა გაუმჯობესდა, რამაც გამოიწვია მიმდინარე მდგომარეობის ინდექსის შესამჩნევი ზრდა 30.4 პროცენტულ პუნქტამდე (7.9 პროცენტული პუნქტით ზრდა მეორე კვარტალთან შედარებით). ყველაზე დიდი ზრდა მიმდინარე მდგომარეობის ინდექსში სოფლის მეურნეობის სექტორს შეეხო.
ბიზნესების ოპტიმიზმი 12.7 პროცენტული პუნქტით დაეცა 2016 წლის მეორე კვარტალთან შედარებით, მაგრამ შეინარჩუნა მაღალი დონე 2015 წლის მესამე კვარტალთან (27.2 პროცენტული პუნქტი) მიმართებაში. გამოკითხული ბიზნესების უმეტესობა არ ელოდება ცვლილებებს საკუთარ ეკონომიკურ საქმიანობაში. ამავდროულად გამოკითხულთა 25% მომავალში ეკონომიკური საქმიანობის გაუმჯობესებას ელის. მოლოდინების ინდექსი ზაფხულის სეზონის მიწურულს ყველა სექტორში შესუსტდა.
გასაყიდი ფასების მოლოდინის ინდექსი 0.2 პროცენტული პუნქტით შემცირდა და იგივე ინდექსი მომსახურების სექტორში უარყოფით მაჩვენებელს დაუბრუნდა.
მსგავსი ინდექსები
ყველას ნახვა
ბიზნესის განწყობის ინდექსი: უმნიშვნელოდ გაუარესებული განწყობები
19
თებერვალი
2024
2024 წლის I კვარტლისთვის ბიზნესის განწყობის ინდექსი (BCI) 0.4 პუნქტით შემცირდა და 17.7-ს გაუტოლდა. ბიზნესის განწყობის ყველაზე დიდი გაუარესება ვაჭრობის (-15.1) სექტორში დაფიქსირდა. BCI-ის უარყოფითი ცვლილება გაუარესებულმა მიმდინარე მდგომარეობამ და ნაკლებად პოზიტიურმა მოლოდინებმა განაპირობა.
ბიზნესის განწყობის ინდექსი: ტენდენციის დაბრუნება?
23
ოქტომბერი
2023
2023 წლის IV კვარტლისთვის ბიზნესის განწყობის ინდექსი (BCI) 2.4 პუნქტით გაიზარდა და 18.1-ს გაუტოლდა. ბიზნესის განწყობის ყველაზე დიდი გაუმჯობესება ვაჭრობის (+21.7) სექტორში დაფიქსირდა. BCI-ის დადებითი ცვლილება გაუმჯობესებულმა მიმდინარე მდგომარეობამ და პოზიტიურმა მოლოდინებმა განაპირობა.
ბიზნესის განწყობის ინდექსი: ცვლილების წერტილი?
31
ივლისი
2023
2023 წლის III კვარტლისთვის ბიზნესის განწყობის ინდექსი (BCI) 10.7 პუნქტით შემცირდა და 15.7-ს გაუტოლდა. ბიზნესის განწყობის ინდექსის ყველაზე მაღალი მნიშვნელობა საფინანსო სექტორში (26.4) დაფიქსირდა. BCI-ის უარყოფითი ცვლილება გაუარესებულმა მიმდინარე მდგომარეობამ და მომავლისადმი მოლოდინებმა განაპირობა.
ბიზნესის განწყობის ინდექსი: ახალი წელი, ახალი მოლოდინები
23
იანვარი
2023
2023 წლის I კვარტლისთვის ბიზნესის განწყობის ინდექსი (BCI) 8.4 პუნქტით გაიზარდა და 20.1-ს გაუტოლდა. ბიზნესის განწყობის ინდექსის ყველაზე მაღალი მნიშვნელობა საფინანსო სექტორში (35.6) დაფიქსირდა.
ბიზნესის განწყობის ინდექსი: ბიზნესის საზაფხულო განწყობა
28
ივლისი
2022
2022 წლის III კვარტლისთვის ბიზნესის განწყობის ინდექსი (BCI) 2.6 პუნქტით გაიზარდა და 17.7-ს გაუტოლდა. ბიზნესის განწყობის ყველაზე დიდი გაუმჯობესება (+13.8) მშენებლობის სექტორში დაფიქსირდა. BCI-ის დადებითი ცვლილება გაუმჯობესებულმა მიმდინარე მდგომარეობამ განაპირობა.
