ISET-ის კვლევითი ინსტიტუტის უახლესი პროგნოზების მიხედვით, სექტემბრის მონაცემებზე დაყრდნობით, მოსალოდნელია 2025 წლის მეოთხე კვარტალში საქართველოს ეკონომიკის 6.7%-ით, ხოლო 2026 წლის პირველ კვარტალში 5.2%-ით ზრდა. ჩვენი პროგნოზის თანახმად, 2025 წელს წლიური ზრდა 7.6% იქნება.

პანდემიის შემდეგ საქართველოს ეკონომიკამ სწრაფად დაიწყო აღდგენა: რეალურმა მშპ-მა გადააჭარბა პანდემიამდელ ტენდენციებს, შრომის ბაზრის მაჩვენებლები კი შესამჩნევად გაუმჯობესდა. ამ ანგარიშით ვეცდებით შევაფასოთ, რეალურად ასახავს ეს აღდგენა ნამდვილ სტრუქტურულ ტრანსფორმაციას თუ ნიღბავს შრომის ბაზრის პოლარიზაციის სიღრმისეულ გამოწვევებს.

აპრილის განმავლობაში პოლარიზაციის ინდექსი მნიშვნელოვნად მერყეობდა და პიკს მიაღწია შემდეგ მოვლენებთან დაკავშირებით: ყაველაშვილის მიერ უცხოური აგენტების რეგისტრაციისა და მედიის შემზღუდავი კანონების ხელმოწერა; „ქართული ოცნების“ მიერ მთავრობის თანხმობის გარეშე უცხოური გრანტების გაცემის აკრძალვის გამოცხადება; დავით დოიაშვილის გათავისუფლება ახალი თეატრის სამხატვრო ხელმძღვანელის თანამდებობიდან; და საქველმოქმედო ორგანიზაციების დამფუძნებლების საცხოვრებელ სახლებში ჩატარებული ჩხრეკები.

პოლარიზაცია მერყეობდა მთელი თვის განმავლობაში. თვე მაღალი პოლიტიკური დაძაბულობით დაიწყო, თუმცა შემდგომ ვითარება დროებით ჩაწყნარდა. პოლარიზაციის დონე თანდათან გაიზარდა ფონდების დაყადაღების შემდეგ და პიკს მიაღწია "ქართული ოცნების" ინიციატივით შექმნილი საპარლამენტო საგამოძიებო კომისიის სხდომების პერიოდში.

მედიის პოლარიზაციის ინდექსი თებერვალში კვლავ მაღალ ნიშნულზე დარჩა, რაც განპირობებული იყო დემონსტრაციების შეზღუდვისკენ მიმართული დრაკონული კანონების, მედიის კონტროლის სადავო რეგულაციებითა და FARA-ს მსგავსი კანონის შემოღებით. პოლარიზაციის გაძლიერებას ხელი შეუწყო ბათუმში მომხდარმა დიდმა ტრაგედიამ, გურიის დიდთოვლობამ და ტრამპის საგარეო პოლიტიკამაც.