2025 წლის 10 მაისს ISET-ის კვლევითმა ინსტიტუტმა, როგორც აღმოსავლეთ პარტნიორობის საგზაო უსაფრთხოების ობსერვატორიის (EaP RSO) ტექნიკური სამდივნოს მასპინძელმა, მონაწილეობა მიიღო ერევანში ევროპის დღის აღსანიშნავ ღონისძიებაში. EaP RSO-ის ტექნიკური სამდივნოს გუნდმა და ISET-ის ადგილობრივმა კონსულტანტმა სომხეთში, პოღოს შაჰინიანმა, ღონისძიებაში მონაწილეობა მიიღეს სომხეთში ევროკავშირის ელჩის ვასილის მარაგოსის მოწვევით.

იანვრის თვეში საქართველოს პოლიტიკურ ლანდშაფტზე რამდენიმე მნიშვნელოვანი მოვლენა აღინიშნა: ჟურნალისტ მზია ამაღლობელის დაკავება და შემდგომი შიმშილობა, გიორგი გახარიაზე თავდასხმა, დონალდ ტრამპის ინაუგურაცია, ევროკავშირის მიერ ქართული დიპლომატიური პასპორტების მფლობელთათვის უვიზო მიმოსვლის შეჩერება და ქართული ოცნების გასვლა ევროპის საბჭოს საპარლამენტო ასამბლეიდან.

ევროკავშირთან ინტეგრაციის შეჩერების შესახებ გაკეთებული განცხადების შემდეგ, პოლარიზაციის დონე სწრაფი ტემპით გაიზარდა და ბოლო პერიოდის მაქსიმუმს მიაღწია, რომელიც დეკემბრის დასაწყისშიც შენარჩუნდა. ტრადიციულად, წლის ბოლოს პოლარიზაციის ინდექსი იკლებს, რადგან ახალი წლის მოახლოებასთან ერთად პოლიტიკური ტემპერატურა მცირდება. თუმცა, მიუხედავად გარკვეული შემცირებისა, მიმდინარე წლის ბოლოს პოლარიზაციის მაჩვენებელი მაინც საგრძნობლად აღემატებოდა წინა წლების იმავე პერიოდის მაჩვენებლებს.

ISET-ისა და ISET-ის კვლევითი ინსტიტუტის დირექტორმა, თამარ სულუხიამ მონაწილეობა მიიღო მაღალი დონის პანელურ დისკუსიაში SITE-ის 2024 წლის განვითარების დღის კონფერენციაზე სტოკჰოლმში, რომელიც საქართველოს, უკრაინისა და მოლდოვას ევროკავშირში გაწევრიანების გზებს მიეძღვნა. კონფერენცია სახელწოდებით "გზა უკეთესი მომავლისკენ: უკრაინის, მოლდოვისა და საქართველოს გზა ევროკავშირის წევრობისკენ" სტოკჰოლმში 2024 წლის 4 დეკემბერს გაიმართა.

პოლარიზაციამ ისტორიულ მაქსიმუმს მიაღწია 2024 წლის 28 ნოემბერს, მას შემდეგ, რაც „ქართულმა ოცნებამ“ ევროკავშირში გაწევრიანების მოლაპარაკებები შეაჩერა. ამ გადაწყვეტილებამ მასშტაბური პროტესტი გამოიწვია თბილისსა და სხვა ქალაქებში, რასაც თან ახლდა მთავრობის მხრიდან ძალადობა დემონსტრანტების მიმართ. დაპირისპირების ამ უპრეცედენტო მწვერვალს წინ უძღოდა რამდენიმე კვირის განმავლობაში მზარდი დაძაბულობა, რაც მოიცავდა არჩევნებისწინა დემონსტრაციებს და მიხეილ ყაველაშვილის, ყოფილი ფეხბურთელისა და ევროსკეპტიკური პარტიის „ხალხის ძალის“ თანადამფუძნებლის, „ქართული ოცნების“ საპრეზიდენტო კანდიდატად სადავო წარდგენას.