ბოლო წლების განმავლობაში ხორბლის საერთაშორისო ფასები სერიოზული პოლიტიკური მღელვარების მიზეზად იქცა. განსაკუთრებით, COVID-19-ის პანდემიისა და უკრაინაში რუსეთის ომის დროს, როდესაც რუსეთი პერიოდულად წყვეტდა მარცვლეულის ექსპორტს, რათა გავლენა მოეხდინა მსოფლიო ფასებზე.
23 აპრილს ISET-ის კვლევითმა ინსტიტუტმა მრგვალი მაგიდის დისკუსიას უმასპინძლა თემაზე "ხორბლის რუსული პოლიტიკა და საქართველოს საპასუხო ნაბიჯები". შეხვედრაზე ISET-ის კვლევითმა ინსტიტუტმა წარადგინა ახალი პოლიტიკის დოკუმენტს ხორბლის სექტორის პოლიტიკაზე, რის შემდეგაც ღონისძიების მოწვეულმა სტუმრებმა მონაწილეობა მიიღეს დისკუსიაში. ღონისძიება შვედეთის მხარდაჭერით ჩატარდა.
პოლიტიკური პოლარიზაცია ზიანს აყენებს საჯარო ინსტიტუტებისადმი ნდობას და პოლიტიკურ პროცესებს, უარყოფითად აისახება ეკონომიკურ განვითარებაზე, აფერხებს სოციალურ განვითარებასა თუ საზოგადოებრივ ურთიერთობებს და იწვევს დემოკრატიის დასუსტებას.
21 მარტს ISET-ის კვლევითმა ინსტიტუტმა უმასპინძლა საჯარო პრეზეტაციას „პოლარიზაცია ვნებს“, სადაც დამსწრე საზოგადოებას მედიის პოლარიზაციის კვლევის შედეგები წარუდგინა.
მედიის (დე)პოლარიზაციის ინდექსი აჩვენებს, რომ 2020 წლიდან საქართველოში მედიის პოლარიზაცია იზრდება. ზრდა განსაკუთრებით მწვავე კი 2022 წლის დასაწყისიდან ხდება. მიუხედავად იმისა, რომ ინდექსი ასახავს მნიშვნელოვან პოლარიზაციას კონკრეტული მოვლენების გარშემო, როგორიცაა, მაგალითად, არჩევნები, მისი რეაქცია სხვადასხვა მოვლენასა თუ განვითარებაზე სხვადასხვაა.