2025 წლის ივლისში ერთი სტანდარტული იმერული ხაჭაპურის მომზადების საშუალო ღირებულებამ 6.39 ლარი შეადგინა, რაც 2025 წლის ივნისთან შედარებით 1.7%-იანი ზრდაა. წლიურ ჭრილში, 2024 წლის ივლისთან შედარებით, ფასი 10.4%-ით გაიზარდა, რაც იმაზე მიუთითებს, რომ საკვები პროდუქტების ფასები მნიშვნელოვნად იზრდება.

ბოლო ათწლეულის განმავლობაში საქართველოს მთლიანი ექსპორტი შესამჩნევად გაიზარდა. თუ მისი ღირებულება 2014 წელს დაახლოებით 2.86 მლრდ აშშ დოლარი იყო, 2024 წელს 6.55 მლრდ აშშ დოლარზე მეტი შეადგინა. ეს ცვლილება, რაც ასახავს ექსპორტის ღირებულების ორზე მეტჯერ ზრდას, ქვეყნის საექსპორტო სექტორის მნიშვნელოვნად გაფართოებაზე მიუთითებს.

ISET-ის კვლევითი ინსტიტუტის უახლესი პროგნოზის მიხედვით, მარტის მონაცემების საფუძველზე, 2025 წლის მეორე კვარტალში საქართველოს ეკონომიკა 8.2%-ით, ხოლო მესამე კვარტალში – 6.5%-ით გაიზრდება. 2025 წელს წლიური ზრდა, ცუდი სცენარის შემთხვევაში 6% იქნება, საუკეთესო და საშუალო გრძელვადიანი სცენარის შემთხვევაში – 7.6%. ჩვენი საშუალო სცენარით, ბოლო ოთხი კვარტლის საშუალო ზრდის საფუძველზე, რეალური მშპ 7.1%-ით გაიზრდება.

3-5 ოქტომბერს ISET-ის კვლევითმა ინსტიტუტმა და გარდამავალი ეკონომიკის ქვეყნებში სასოფლო-სამეურნეო განვითარების ლაიბნიცის ინსტიტუტმა (IAMO) სამდღიან საერთაშორისო კონფერენციას უმასპინძლეს. კონფერენცია ISET-ისა და IAMO-ს მიერ ერთობლივად იყო ორგანიზებული სახელწოდებით "სამხრეთ კავკასიის რეგიონში აგროსასურსათო ღირებულებათა ჯაჭვების ფუნქციონირების გაუმჯობესება".

საქსტატის წინასწარი შეფასების თანახმად, 2024 წლის მეორე კვარტალში საქართველოს ნომინალური მშპ 22,101.7 მლნ ლარს შეადგენდა, მშპ-ის ზრდის წლიური მაჩვენებელი 9.6%, ხოლო მშპ-ის დეფლატორი – 2.5% იყო. ეს ზრდა სხვადასხვა სექტორში დამატებული ღირებულების მნიშვნელოვანი ზრდით იყო განპირობებული: მასპინძლობასთან და კვებით სექტორთან დაკავშირებული საქმიანობა გაიზარდა 35.7%-ით, განათლება – 21.3%-ით, შინასამეურნეო საქმიანობა, როგორიცაა დამსაქმებლებისა და მწარმოებლების მიერ პირადი მოხმარებისათვის საქონლის წამოება და მომსახურებების გაწევა – 17.3%-ით, ტრანსპორტირება და სასაწყობო საქმიანობა – 16.1%-ით, საჯარო ადმინისტრირება და თავდაცვა, მათ შორის სოციალური უსაფრთხოება – 13.3%-ით, მშენებლობა – 13%-ით.