ივლისი 2024 | 2024 წლის მაისში შემცირებული ვაჭრობის, ფულადი გზავნილების და ლარის გამყარების მიუხედავად სწრაფი ეკონომიკური ზრდა შეინიშნება

ინდექსები

მთავარი ინდექსები მშპ-ის პროგნოზი

22 ივლისი 2024

ISET-ის კვლევითმა ინსტიტუტმა განაახლა რეალური მშპ-ის ზრდის პროგნოზი 2024 წლის მესამე და მეოთხე კვარტლებისთვის. წარმოგიდგენთ ამ თვის მიგნებებს:

საქართველოს სტატისტიკის ეროვნულმა სამსახურმა (საქსტატი) 2024 წლის მაისის მშპ-ის რეალური ზრდის წინასწარი შეფასება გამოაქვეყნა. აღნიშნული შეფასებით, მშპ 9.2%-ით გაიზარდა. მშპ-ის ზრდის საშუალო წლიურმა მაჩვენებელმა კი 2024 წლის პირველ კვარტალში 8.4%-ს მიაღწია, რაც 0.6 პროცენტული პუნქტით აღემატება მანამდე არსებულ მაჩვენებელს. მშპ-ის ზრდის საშუალო მაჩვენებელმა 2024 წლის იანვარ-მაისის პერიოდში კი 9.3%-ს მიაღწია.

ISET-ის კვლევითი ინსტიტუტის პროგნოზით, 2024 წლის მეორე კვარტალში მშპ-ის რეალური მაჩვენებელი 10.3% იქნება, 2024-ის მესამე კვარტალში კი – 8.4%.

მაისის მონაცემებზე დაყრდნობით, 2024 წელს, ცუდი სცენარის განვითარების შემთხვევაში, მოსალოდნელია წლიური 8.3-პროცენტიანი ზრდა, ხოლო საუკეთესი ან საშუალო, გრძელვადიანი ზრდის სცენარის შემთხვევაში – 10-პროცენტიანი ზრდა. ჩვენი შუალედური პროგნოზის თანახმად (უკანასკნელი ოთხი კვარტლის საშუალო ზრდის მაჩვენებელზე დაყრდნობით), მოსალოდნელია მშპ-ის რეალური ზრდა 9.5%-ით. სავარაუდოდ, მოდელი პროგნოზი გადაჭარბებულია.

თეგები: #ინდექსი, #მშპ-ის პროგნოზი, #მშპ-ის ზრდა, #ეკონომიკური ზრდა, #ვაჭრობა, #ექსპორტი, #იმპორტი, #ფულადი გზავნილები, #გაცვლითი კურსი,

ინდექსები

იხილეთ პუბლიკაცია

მსგავსი ინდექსები